#1204- *இரண்டு மனைவிகள் உடையவர் கிறிஸ்தவரானால் இரண்டாவது மனைவியை என்ன செய்வது?*
இரண்டு மனைவிகள் மற்றும் குழந்தைகள் உடையவர், இயேசு கிறிஸ்துவை விசுவாசித்து மனந்திரும்பி ஞானஸ்நானம் பெற்று கிறிஸ்துவின் சபையில் அங்கமாக உள்ளார். இரண்டு மனைவியுடன் உள்ள இவர் யாருடன் குடும்பம் நடத்த வேண்டும்? ஒருத்தியை ஏற்றுக் கொண்டு ஒருத்தியை கைவிட்டால் பாவமா?
*பதில்* : ஒருவரின் திருமணம் மற்றும் அவரது எதிர்கால உறவுகள் குறித்து, தான் கிறிஸ்தவராக எப்படியிருக்கமுடியும் என்பதை கவனிக்க வேண்டியுள்ளது.
கிறிஸ்துவின் சட்டத்திற்கு அடிபணிய விரும்பாதவர்கள் “முறையாக” ஞானஸ்நானம் பெறுவதில்லை.
ஒன்றுக்கு மேற்பட்ட மனைவி இருந்தால், அவ்வுறவை ஞானஸ்நானம் எடுப்பதற்கு முன்னரே கிறிஸ்துவின் வார்த்தையின்படி தனது மனந்திரும்புதலின் போதே நடவடிக்கை எடுத்திருப்பார். (1யோ. 1:9, 2கொரி. 7:10)
வேதாகமத்தின்படி ஒன்றுக்கு மேற்பட்ட மனைவியைக் கொண்டிருப்பது கிறிஸ்துவின் சட்டத்தின் கீழ் விபச்சாரம். (மத்தேயு 19:4-6)
விபசாரத்தில் “இருப்பவர்” வேதாகமத்தின்படி கிறிஸ்தவனாக மாற முடியாது. ரோமர் 6:1-2, 1கொரி. 6:9-10
மனந்திரும்பாமல், ஞானஸ்நானம் எடுத்துவிட்டதாலேயே, ஏற்கனவே செய்த பாவங்கள் நீதி ஆகிவிடாது. மனந்திரும்புதலுக்கு பின்னரே ஞானஸ்நானமானது வருகிறது (அப். 2:38)!
ஒருவர் தேவனுடைய வார்த்தையை கேட்டு, அதை விசுவாசித்து, மனந்திரும்பி, அந்த விசுவாசத்தை அறிக்கையிட்டு எடுக்கும் ஞானஸ்நானமானது பாவ ஜீவியத்தின் சங்கிலிகளை உடைத்தெறிகிறது. ரோமர் 6:6-7.
ஆகவே, தம்பதியினரில் ஒருவர் உயிரோடிருக்கும் பட்சத்தில், ஒரு திருமணத்திற்கு மேற்பட்ட எந்த உறவும் விபச்சாரமாகும். இரண்டாவது திருமணம் தேவனால் அங்கீகரிக்கப்பட்ட திருமணம் அல்ல.
இவரது விபச்சாரத்தின் அடிப்படையில் இரண்டாவதாக இவருக்கு வாழ்க்கைப்பட்டவர் சட்டத்தை பயன்படுத்தவேண்டியுள்ளது (மத். 19:9). தேவனுடைய பார்வையில், அது அங்கீகரிக்கப்பட்ட திருமணம் அல்ல. மத். 19:4-6
அவரால் கருவுற்று பெற்றெடுத்த பிள்ளை மற்றும் அந்த பெண் தங்களது வாழ்வின் தனித்துவத்தை அடையும் வரை இவர் அவர்களுக்கு கடன்பட்டிருக்கிறார்.
*எடி ஜோயல் சில்ஸ்பி*
ஊழியர் - கணியாகுளம் கிறிஸ்துவின் சபை,
வேதாகம ஆசிரியர்
தொடர்பு : +91 81 44 77 6229
*Q&A Biblical வாட்ஸப்குழுவில் இணைய* க்ளிக் செய்யவும் :
https://chat.whatsapp.com/Lu8jhEd4Sag5XMhtNqGXi2
*Q&A Book ஆர்டர் செய்ய* :
https://kaniyakulamcoc.blogspot.com/2023/02/qr-code-link-for-q-book-payment.html
வலைதளம் :
http://www.kaniyakulamcoc.wordpress.com
YouTube “வேதம் அறிவோம்” :
https://www.youtube.com/joelsilsbee
*----*----*----*----*----*-----*
கருத்துகள் இல்லை:
கருத்துரையிடுக