#1258 - *திருவிருந்திற்கான அப்பம் கோதுமையில் தான் செய்யவேண்டுமா? மைதா பயன்படுத்தக்கூடாதா?*
*பதில்* : திருவிருந்திற்கான அப்பத்தை எந்த வகையான மாவைப் பயன்படுத்திச் செய்ய வேண்டும் என்று வேதாகமம் குறிப்பாக நமக்கு கட்டளையிடவில்லை.
யூத பண்டிகையான பஸ்கா பண்டிகை கடைபிடிக்கப்பட்டபொழுது, இயேசு கிறிஸ்து திருவிருந்துக் குறித்தக் கட்டளையை ஏற்படுத்தினார். மத். 26:19, 26
பஸ்காவிற்கான அப்பம், கோதுமையில் தான் செய்யப்படவேண்டுமென கட்டளையாக எதுவும் கொடுக்கப்படவில்லை.
இஸ்ரவேலர்கள் பஸ்கா ஆட்டுக்குட்டியின் இறைச்சியுடன் புளிப்பில்லாத அப்பத்தைச் சாப்பிட வேண்டும் என்று தேவன் கட்டளையிட்டார். யாத். 12:8
கோதுமையின் மெல்லிய மாவினால் புளிப்பில்லாத அப்பங்களைச் செய்ய வேண்டும் என யாத். 29:2ல் கூறப்பட்டுள்ளது.
ஆனால், இந்தக் கட்டளை பஸ்காவின் அப்பத்திற்கானது அல்ல, மாறாக ஆசாரியர்களை நியமிக்கும் செயலுக்காய் கொடுக்கப்பட்டது.
பஸ்கா பண்டிகைக்கு புளிப்பில்லாத அப்பம் பயன்படுத்த வேண்டும் என்று தேவன் தெளிவாகக் கட்டளையிட்டுள்ளார்.
கோதுமை மாவினால் புளிப்பில்லாத அப்பம் செய்யும் முறை வேதாகமத்தில் காணப்படுகிறது. ஆனால் அது பஸ்காவுக்கான தனிப்பட்ட கட்டளையாகக் கொடுக்கப்படவில்லை.
மேலும், கோதுமையின் உதாரணத்தைப் பயன்படுத்தி இயேசு கிறிஸ்து பயன்படுத்திய ஒப்பனை அதிகம்.
இயேசு கிறிஸ்துவின் மரணம், உயிர்த்தெழுதல், பலன் கொடுத்தல், தேவனுடைய ராஜ்யம் ஆகியவற்றை விளக்குவதற்கும் பயன்படுத்தப்பட்டுள்ளது.
கோதுமை மணி மண்ணில் விழுந்து சாக வேண்டும் என்று கிறிஸ்துவின் மரணத்தை ஒப்பிட்டு யோவான் 12:24ல் காண்கிறோம்.
அது போல கோதுமையும் களைகளும் ஒப்பிட்டு தேவனுடைய ராஜ்யம் விளக்கப்படுகிறது. மத்தேயு 13:24-30, 36-43ல் கவனிக்கவும்.
கோதுமையின் அறுவடை இயேசுவின் நியாயத்தீர்ப்பு நாளுடன் ஒப்பிடப்படுவதை மத்தேயு 3:12ல் காண்கிறோம்.
பேதுரு சோதனைக்கு உட்படுத்தப்படுவதில் கோதுமை புடைக்கப்படுவதை ஒப்பனையாய் சொல்லப்பட்டிருப்பதை லூக்கா 22:31-32 -களில் காணமுடிகிறது.
இயேசு கர்த்தருடைய பந்தியை ஏற்படுத்தும்போது அப்பத்தைப் பயன்படுத்தினார் – மத். 26:26.
இயேசு தம்மையே ஜீவ அப்பம் என்று கூறினார் – யோ. 6:35.
கோதுமை மணி மரித்து மிகுந்த பலன் கொடுப்பதைத் தம்முடைய மரணத்திற்கு ஒப்பிடுகிறார். யோ. 12:24.
கர்த்தருடைய பந்தியில் அப்பம் அவருடைய சரீரத்தை நினைவுபடுத்துகிறது – 1 கொரிந்தியர் 11:23-26.
கோதுமையினால் அப்பம் செய்யப்பட்டதாக இருக்க வேண்டும் என் நேரடி வசனங்கள் இல்லை.
மைதாவும் கோதுமையிலிருந்து தயாரிக்கப்படும் மாவுதான் என்றாலும், அதன் தயாரிப்பு முறையிலும் தன்மையிலும் முழுமையான கோதுமை மாவிலிருந்து வேறுபடுகிறது. தேவனுக்கென்று பயன்படுத்தும் காரியங்களில் சிறந்ததையும், உசிதமானதையும் பயன்படுத்த வேண்டும் என்பது என்னுடைய தனிப்பட்ட கருத்து.
*எடி ஜோயல் சில்ஸ்பி*
கர்த்தருடைய ஊழியன்,
கிறிஸ்துவின் சபை, கணியாகுளம்
தொடர்பு : +918144776229
*எங்களது கேள்வியும் வேதாகம பதில்களும் Whatsapp (Locked) குழுவில் இணைய :* https://chat.whatsapp.com/DdQM79dFf5v6GQMRfbDc2H
*எங்களது வலைதளம்* : kaniyakulamcoc.blogspot.com
