#1253 - உன் பாவம் உனக்கு மன்னிக்கப்பட்டது என்ற நேரடியாய் சொன்ன இயேசு கிறிஸ்து, சிலுவையில் தொங்கும் போது தன்னை துன்புறுத்தியவர்களை மன்னிக்கும்படி பிதாவினிடத்தில் வேண்டுவது ஏன்?

#1253 - *உன் பாவம் உனக்கு மன்னிக்கப்பட்டது என்ற நேரடியாய் சொன்ன இயேசு கிறிஸ்து, சிலுவையில்  தொங்கும் போது தன்னை துன்புறுத்தியவர்களை மன்னிக்கும்படி பிதாவினிடத்தில் வேண்டுவது ஏன்*?

 

*பதில்* : பூலோகத்தில் ஊழியம் செய்தபோது, "பூமியிலே பாவங்களை மன்னிக்க மனுஷகுமாரனுக்கு அதிகாரம் உண்டு" (மத். 9:2, மாற்கு 2:5-10, லூக்கா 7:48) என்பதை இயேசு கிறிஸ்து வெளிப்படுத்தினார். 

 

அவர் தேவனாகவும் மேசியாவாகவும் இருந்ததால், தன் அதிகாரத்தினால் மனிதர்களின் பாவங்களை நேரடியாக மன்னித்தார்.

 

1 தீமோத்தேயு 2:5 இயேசுவை தேவனுக்கும் மனிதருக்கும் இடையிலான மத்தியஸ்தராகக் குறிப்பிடுகிறது. ஆனால், இயேசு மத்தியஸ்தராக இருந்ததால் பாவங்களை மன்னிக்க அவரால் நேரடியாக முடியாது என்றோ, மன்னிக்க வேண்டுமென்றால் பிதாவிடம் கட்டாயம் கேட்க வேண்டும் என்றோ வேதாகமம் கூறவில்லை.

 

இயேசு பாவங்களை மன்னிக்கும் அதிகாரமுடையவர் என்பதற்கும், பிதாவிடம் தம்மைத் துன்புறுத்தியவர்களுக்காக வேண்டினார் என்பதற்கும் முரண்பாடு இல்லை. இங்கு அவர் தம்மைத் துன்புறுத்தியவர்கள்மீது இரக்கம் காட்டி, அவர்களுக்காகப் பரிந்து வேண்டுகிறார்.

 

எனவே, இயேசு பாவங்களை மன்னிக்கும் அதிகாரமற்றவர் என்பதால் பிதாவிடம் வேண்டவில்லை; மாறாக, தம்மைத் துன்புறுத்தியவர்கள்மீது அன்பும் இரக்கமும் கொண்டு அவர்களுக்காக வேண்டினார் என்பதே முக்கியமான கருத்து.

*எடி ஜோயல் சில்ஸ்பி*

ஊழியர் - கணியாகுளம் கிறிஸ்துவின் சபை,

வேதாகம ஆசிரியர்

தொடர்பு : +91 81 44 77 6229

    

*Q&A Biblical வாட்ஸப்குழுவில் இணைய க்ளிக் செய்ய வேண்டிய லிங்க்:* https://chat.whatsapp.com/Lu8jhEd4Sag5XMhtNqGXi2

எங்களது வலைதளம் : http://www.kaniyakulamcoc.wordpress.com

எங்களது YouTube Channel பெயர் "வேதம் அறிவோம்” https://www.youtube.com/joelsilsbee

-------------------------*

#1252 - வேதாகமத்தின்படி வயதில் மூத்தவர்களை அப்பா என்று கூப்பிடலாமா?

 #1252 - *வேதாகமத்தின்படி வயதில் மூத்தவர்களை அப்பா என்று கூப்பிடலாமா?* 
 
*பதில்* : வேதாகமத்தின்படி வயதில் மூத்தவர்களை “அப்பா” என்று அழைப்பது தவறு என்று சொல்ல முடியாது.
 
மத்தேயு 23:9-ல் இயேசு, “பூமியிலே ஒருவனையும் உங்கள் பிதா என்று சொல்லாதிருங்கள்” என்று கூறியிருக்கிறார். ஆனால் இந்த வசனத்தை மட்டும் வைத்து யாரையும் அப்பா என்று அழைக்கக்கூடாது என்று முடிவு செய்ய முடியாது. அதன் சூழலையும் பார்க்க வேண்டும்.
 
மத்தேயு 23:5–12-ல், மனிதர்களால் காணப்படுவதற்காகச் செயல்படுதல், உயர்ந்த இடங்களையும் பட்டங்களையும் விரும்புதல், மனிதர்களிடமிருந்து மதிப்பையும் மேன்மையையும் எதிர்பார்த்தல் ஆகியவற்றை இயேசு கண்டிக்கிறார்.
எனவே, மத்தேயு 23:9-ன் முக்கியமான நோக்கம், மனிதர்களை இறைவனுக்கு இணையான அதிகாரமுள்ளவர்களாக உயர்த்தி, அவர்களுக்கு ஆவிக்குரிய மேன்மையையும் இறுதி அதிகாரத்தையும் வழங்கக்கூடாது என்பதாகும்.
 
2 இராஜாக்கள் 2:12-ல் எலிசா, எலியாவை “என் தகப்பனே” என்று அழைக்கிறார். அதேபோல், 1 கொரிந்தியர் 4:15-ல் பவுல், கொரிந்திய விசுவாசிகளைச் சுவிசேஷத்தினால் பெற்றதால் அவர்களுக்குத் தகப்பனாக இருப்பதாகக் கூறுகிறார்.
 
மேலும், 1 தீமோத்தேயு 5:1-ல் முதிர்வயதுள்ளவர்களைத் தகப்பனைப் போல நடத்த வேண்டும் என்று பவுல் கூறுகிறார்.
 
எனவே, வயதில் மூத்தவர்களை மரியாதைக்காக “அப்பா” என்று அழைப்பது தவறு என்று வேதாகமம் சொல்லவில்லை. ஆனால் ஒரு மனிதனை தேவனுக்கு இணையாக உயர்த்துவதைத்தான் நாம் தவிர்க்க வேண்டும்.
 
முக்கியமானது நாம் ஒருவரை என்ன பெயர் சொல்லி அழைக்கிறோம் என்பதுமட்டுமல்ல; அவருக்கு நாம் கொடுக்கும் இடமும் மரியாதையும் என்ன என்பதுதான்.

என்னைப் பொறுத்தவரை – சரீரப்பிரகாரமாய் என்னை பெற்றெடுத்த தகப்பனையும், இப்பூமியில் நம்மை பிறக்க செய்த தேவனையும் தவிர வேறு எவரையும் “அப்பா” என்று அழைக்க விரும்பமாட்டேன். அந்த வார்த்தைக்கு அவ்வளவு கனம் உள்ளது. அதை வீணாக்க நான் நினைப்பதில்லை. 

*எடி ஜோயல் சில்ஸ்பி*

ஊழியர் - கணியாகுளம் கிறிஸ்துவின் சபை,

வேதாகம ஆசிரியர்

தொடர்பு : +91 81 44 77 6229

    

*Q&A Biblical வாட்ஸப்குழுவில் இணைய க்ளிக் செய்ய வேண்டிய லிங்க்:* https://chat.whatsapp.com/Lu8jhEd4Sag5XMhtNqGXi2

எங்களது வலைதளம் : http://www.kaniyakulamcoc.wordpress.com

எங்களது YouTube Channel பெயர் "வேதம் அறிவோம்” https://www.youtube.com/joelsilsbee

-------------------------*

#1251 - பரலோகத்திற்கு செல்வதற்கு ஊழியக்காரர்களின் அனுமதி இருந்தால் தான் ஆண்டவர் அனுமதிப்பாரா? நம்மை நடத்துகிறவர்கள் யார்? எபி. 13:17ஐ குறிப்பிட்டு, இயேசு கிறிஸ்து பெரியப்பா என்றால் சபை ஊழியர்கள் சித்தப்பாவாம். சித்தப்பாவை பார்த்தால் தான் பெரியப்பாவை பார்க்க முடியும் என்று போதிக்கிறார்கள். இதைக் குறித்து விளக்கவும்.

#1251 - *பரலோகத்திற்கு செல்வதற்கு ஊழியக்காரர்களின் அனுமதி இருந்தால் தான் ஆண்டவர் அனுமதிப்பாரா? நம்மை நடத்துகிறவர்கள் யார்? எபி. 13:17ஐ குறிப்பிட்டு, இயேசு கிறிஸ்து பெரியப்பா என்றால் சபை ஊழியர்கள் சித்தப்பாவாம். சித்தப்பாவை பார்த்தால் தான் பெரியப்பாவை பார்க்க முடியும் என்று போதிக்கிறார்கள்*. இதைக் குறித்து விளக்கவும்.



*பதில்* : ஊரை ஏமாற்றி பணம் சம்பாதிக்க ஊழியத்தைக் கையிலெடுத்த சகல கேடும் தான் அடைந்ததுமல்லாமல், தன்னை நம்பி அண்டியிருக்கும் மற்றவர்களையும் குழியில் அமிழ்த்துகிறவர்களின் முட்டாள்தனமான போதனை இவை. 


சத்தியத்தை அறியாதவர்கள் இயேசுவை, 'இயேசப்பா' என்று சப்பாத்தி தட்டிக்கொண்டிருந்தனர். அதையும் கடந்து இப்போது நீங்கள் சொல்லும் இந்த மடமையான புதிய கூட்டம் அவரை 'பெரியப்பா' என அடையாளப்படுத்துவதன் மூலம் அவர்கள் சத்தியத்தை முறையாக அறியாதவர்கள் என்பது தெளிவு. 


பரலோகத்திற்குச் செல்ல ஊழியக்காரர்களின் அனுமதி அல்ல, கிறிஸ்துவின் அனுமதி அவசியம். பரலோகத்திற்குச் செல்லும் வழியும் கதவும் "இயேசு கிறிஸ்து மட்டுமே" (யோவான் 14:6). 



நம்முடைய இரட்சிப்பும் பரலோகப் பிரவேசமும் இயேசு கிறிஸ்துவின் சிலுவை பலியினாலும், அவர் மேலுள்ள விசுவாசத்தினாலும், அவரது வார்த்தைக்குக் கீழ்ப்படிந்து பாவமன்னிப்பிற்கென ஞானஸ்நானம் பெற்று, சத்தியத்தில் முடிவு மட்டும் நிலைநிற்கும் பொழுது அந்தப் பாக்கியத்தைப் பெற்றுக்கொள்கிறோம். 



"அவராலேயன்றி வேறொருவராலும் இரட்சிப்பு இல்லை; நாம் இரட்சிக்கப்படும்படிக்கு வானத்தின் கீழெங்கும் மனுஷர்களுக்குள்ளே கொடுக்கப்பட்ட வேறொரு நாமமும் இல்லை" (அப்போஸ்தலர் 4:12). 

ஊழியக்காரர்கள், இரட்சிப்பின் வழியைக் காட்டும் வழிகாட்டிகளே தவிர, பரலோகத்தின் கதவைத் திறக்கும் அல்லது பூட்டும் அதிகாரிகள் அல்ல. 



"பெரியப்பா – சித்தப்பா" என்பதெல்லாம் தவறான உவமை; முற்றிலும் வேதத்திற்குப் புறம்பானது. 
தேவனுக்கும் மனிதனுக்கும் இடையில் ஒரே ஒரு மத்தியஸ்தர் மட்டுமே உண்டு, அவர் "இயேசு கிறிஸ்து" (1 தீமோத்தேயு 2:5). 



சபை ஊழியர்களை "சித்தப்பா" போல நடுவில் வைத்து, அவர்கள் மூலமாகத்தான் இயேசுவை அணுக முடியும் என்று போதிப்பது வேதாகம உண்மையைத் திரிப்பதாகும். நாம் ஒவ்வொருவரும் இயேசுவின் இரத்தத்தினால் பிதாவாகிய தேவனை நேரடியாக அணுகும் பாக்கியத்தைப் பெற்றிருக்கிறோம் (எபிரெயர் 4:16). 



எபிரெயர் 13:17 கூறுவது: "உங்களை நடத்துகிறவர்கள், உங்கள் ஆத்துமாக்களுக்காக உத்தரவாதம்பண்ணுகிறவர்களாய் விழித்திருக்கிறவர்களானபடியால், அவர்கள் துக்கத்தோடே அல்ல, சந்தோஷத்தோடே அதைச் செய்யும்படி, அவர்களுக்குக் கீழ்ப்படிந்து அடங்குங்கள்..."



*யார் நம்மை நடத்துகிறவர்கள்?* சபையில் தேவ வார்த்தையைப் போதித்து, தேவ வழியில் நம்மை வழிநடத்துபவர்கள். அவர்கள் ஆத்துமாக்களுக்காக தேவனிடத்தில் "உத்தரவாதம் பண்ணுகிறவர்கள்" (Accountable). அதாவது, கூட்டத்தை ஆளுவதற்கோ அல்லது தங்கள் அதிகாரத்தைக் காட்டுவதற்கோ அல்ல; மாறாக ஆத்துமாக்களைப் பராமரித்து வழிநடத்தும் பொறுப்பு அவர்களிடம் ஒப்படைக்கப்பட்டுள்ளது.

அவர்கள் தேவனுடைய வார்த்தையை உண்மையாய் போதிக்கும்போது, சபை ஒழுங்கிற்கும் ஆவிக்குரிய வளர்ச்சிக்கும் ஆதரவாகச் செயல்பட வேண்டும் என்பதே இதன் பொருள். 
இது ஆவிக்குரிய வழிகாட்டுதலுக்கான கீழ்ப்படிதலே தவிர, அவர்களின் விருப்பத்திற்கு அடிமையாகவோ, அல்லது பரலோக இரட்சிப்பைத் தீர்மானிக்கும் அதிகாரத்தை அவர்களுக்குக் கொடுப்பதாகவோ அர்த்தமல்ல. 



பி.கு: வேதாகமத்தை முறையாய் படித்து, அறிந்து, விசுவாசித்து, யாருடைய வற்புறுத்தலுமின்றி, தானே முன்வந்து, "இதுவரை நான் தவறான சத்தியத்தில் வாழ்ந்துவிட்டேன். ஆகவே, நான் முறையாய் இனி வாழவேண்டும்" என்று, சத்தியத்தின்படி வசனத்தை விசுவாசித்து, மனந்திரும்பி, விசுவாசத்தை அறிக்கையிட்டு, பாவமன்னிப்பிற்கென ஞானஸ்நானம் பெற்றுக்கொண்ட பின்னர், மீண்டும் தான் இதுவரை இருந்த கூட்டத்தில் தான் இருப்பேன், அது தான் எனது தாய் சபை என தனது பழைய நட்பில் மீண்டும் நுழைந்தால், கிறிஸ்துவின் இரட்சிப்பை இழந்து அவரது சிலுவைக்குப் பகைஞராகி, கிருபையாய் பெற்ற இரட்சிப்பை கேலி கூத்தாக நினைப்பதாகும்.









 
*எடி ஜோயல் சில்ஸ்பி*
ஊழியர் - கணியாகுளம் கிறிஸ்துவின் சபை,
தொடர்பு : +91 81 44 77 6229
    
*Q&A Biblical வாட்ஸப்குழுவில் இணைய* க்ளிக் செய்ய வேண்டிய லிங்க்: https://chat.whatsapp.com/Lu8jhEd4Sag5XMhtNqGXi2

வேதாகம ஆசிரியர்

*Q&A Book வேண்டுவோர்* பயன்படுத்தவேண்டிய லிங்க் : https://kaniyakulamcoc.blogspot.com/2023/02/qr-code-link-for-q-book-payment.html

எங்களது வலைதளம் : http://www.kaniyakulamcoc.wordpress.com

எங்களது YouTube Channel பெயர் "வேதம் அறிவோம்” https://www.youtube.com/joelsilsbee

*----*----*----*----*----*-----*

#1250 – புறஜாதியான கொர்நெலியு கர்த்தரை நோக்கித் தான் ஜெபித்தாரா? அவரது ஜெபம் எப்படி கேட்கப்பட்டது? அப்போஸ்தலர் 10:4

*#1250 – புறஜாதியான கொர்நெலியு கர்த்தரை நோக்கித் தான் ஜெபித்தாரா? அவரது ஜெபம் எப்படி கேட்கப்பட்டது?* அப்போஸ்தலர் 10:4 
 
*பதில்* : யூதன் அல்லாத புறஜாதியினரில் இரு வகையினர் இருந்தனர். கொர்நெலியு சிலை வழிபாடு செய்யாமல், ஒரே மெய்யான தேவனை வழிபட்ட "தேவபக்தியுள்ளவன்" (God-fearer) வகுப்பைச் சேர்ந்தவன். அப். 10:1-2 -ம் வசனங்கள் அதை நமக்குத் தெளிவுப்புடுத்துகிறது. 
 
கொர்நெலியு தேவனைப் பயபக்தியோடு வழிபட்ட போதிலும், இயேசு கிறிஸ்துவைப் பற்றியும் அவர் மூலமாக வரும் இரட்சிப்பைப் பற்றியும் அறியாமல் இருந்தான். சத்தியத்தை அறியும் அவனது தாகத்தையும் ஜெபத்தையும் தேவன் கேட்டார்.
 
*இதன் மூலம் நாம் அறிந்துகொள்ளும் பாடம்?*
தேவனை உண்மையாய்த் தேடுகிறவர்களுக்குச் சத்தியம் வெளிப்படும் (எரே. 29:13)
 
கிறிஸ்துவிற்குள் இரட்சிக்கப்பட்டவர்களில் கொர்நெலியு, யூதரல்லாதவர்களான புறஜாதியாரில் முதலாம் நபர்.  அப்போஸ்தலர் 11:18 — "இவைகளை அவர்கள் கேட்டபொழுது அமைந்திருந்து: அப்படியானால் தேவன் புறஜாதியாருக்கும் ஜீவனுக்கு ஏதுவான மானசாந்த அருளிச்செய்தார் என்று சொல்லி, தேவனை மகிமைப்படுத்தினார்கள்."
 
கொர்நெலியுவின் வழக்கமான பக்தியும், சத்தியத்தைத் தேடும் தாகமும் நிறைந்த ஜெபங்களை தேவன் கேட்டார் (அப்போஸ்தலர் 10:4). அவனுக்கு இயேசுவின் மூலமான இரட்சிப்பைக் வெளிப்படுத்துவதற்காகவே தூதனை அனுப்பி பேதுருவை அழைத்துவருமாறு கூறினார் (அப்போஸ்தலர் 11:14).
 
புதிய உடன்படிக்கையான கிறிஸ்துவின் காலத்தில், “கர்த்தர்” என்னும் தமது நாமத்தை பிதாவானவர், குமாரனாகிய கிறிஸ்துவிற்கு கொடுத்தார். “பிதாவாகிய தேவனுக்கு மகிமையாக இயேசுகிறிஸ்து கர்த்தரென்று நாவுகள் யாவும் அறிக்கைபண்ணும்படிக்கும், எல்லா நாமத்திற்கும் மேலான நாமத்தை அவருக்குத் தந்தருளினார். பிலி. 2:11”
 
ஆகவே, புதிய உடன்படிக்கையின் காலமாகிய கிறிஸ்துவின் காலத்தில் வாழும் நாம், நமது ஜெபங்களில், “கர்த்தாவே, கர்த்தாவே” என இயேசுவை நோக்கி ஜெபிக்காமல் பிதாவை நோக்கி நாம் ஜெபிக்கவேண்டும் என்பதை வேதம் நமக்குக் கற்று கொடுக்கிறது. 
 
ஜெபமானது பிதாவை நோக்கி ஏறெடுக்கப்படவேண்டும் என்று கிறிஸ்து நமக்கு கற்றுக்கொடுத்திருக்கிறார். மத். 6:9
 
அதேனென்றால் பிதாவானவரே சகலத்திற்கும் சகலமாயிருக்கும்படி கிறிஸ்துவானவர் பிதாவானவருக்கு தன்னை கீழ்படுத்தினார் – 1கொரி. 15:28
 
வெகு குறைவாக ஒரு சில இடத்தை தவிர – மற்ற எல்லா ஜெபங்களும் பிதாவை நோக்கியே ஏறெடுக்கப்பட்டது (அப். 7:59)
 
இயேசுவானவர் நமக்கு அப்பா அல்ல... அவர் நமக்கு மூத்த சகோதரன் – எபி. 2:11-12
 
கிறிஸ்துவானவர் பிதாவின் வலதுபாரிசத்தில் இருக்கிறார் !! 1பேதுரு 3:22, எபி. 10:12, எபி. 1:13, அப். 7:56
 
கர்த்தர், ஆண்டவர் என்ற பதங்கள் – இயேசுவை குறிக்கிறது (அப். 2:36, பிலி. 2:11)
 
ஜெபம் – தேவனை நோக்கி அதாவது பிதாவை நோக்கி கிறிஸ்துவின் வழியாக பரிசுத்த ஆவியானவரின் உதவியோடு ஏறெடுக்கப்பட வேண்டும் (யோ. 14:6)
 
ஆகவே புதிய ஏற்பாட்டில் கிறிஸ்துவின் பரமேறுதலுக்கு பின்னர் – பிரதானமாக நம்முடைய ஜெபம் பிதாவை நோக்கி இருக்கிறது. (யோ. 14:6)
அந்த ஜெபத்தை கிறிஸ்துவின் மூலமாக ஜெபிக்கிறோம், (யோ. 16:23)
ஆவியானவரின் பெலத்தோடு ஜெபிக்கிறோம். (1 பேதுரு 1:2)
 
நம்முடைய ஜெபம் – பிதாவை நோக்கி இருப்பதால், ஜெபம் ஏறெடுக்கும் போது பிதாவையே குறிப்பிடுகிறோம்.
 
கிறிஸ்துவை நோக்கி ஜெபம் பண்ணி – கிறிஸ்துவினுடைய ரெக்கமன்டேஷனோடு கிறிஸ்துவினிடத்தில் ஜெபத்தை ஒப்புகொடுப்பது புரியாத வகையில் ஜெபிப்பதாகும்.
 
நாம் எப்படி ஜெபிக்கவேண்டும் என்பதை இயேசு கிறிஸ்து கற்றுக்கொடுக்கும் போதே – பரமண்டலங்களில் இருக்கும் எங்கள் பிதாவே என்று பிதாவை நோக்கி ஜெபம் பண்ண கற்றுக்கொடுத்து இருக்கிறாரே (மத். 6:9)

*எடி ஜோயல் சில்ஸ்பி*

ஊழியர் - கணியாகுளம் கிறிஸ்துவின் சபை,

வேதாகம ஆசிரியர்
தொடர்பு : +91 81 44 77 6229
    
*Q&A Book வேண்டுவோர்* பயன்படுத்தவேண்டிய லிங்க் : https://kaniyakulamcoc.blogspot.com/2023/02/qr-code-link-for-q-book-payment.html

*Q&A Biblical வாட்ஸப்குழுவில் இணைய* க்ளிக் செய்ய வேண்டிய லிங்க்: https://chat.whatsapp.com/Lu8jhEd4Sag5XMhtNqGXi2

எங்களது வலைதளம் : http://www.kaniyakulamcoc.wordpress.com

எங்களது YouTube Channel பெயர் "வேதம் அறிவோம்” https://www.youtube.com/joelsilsbee

*----*----*----*----*----*-----*