#1205 - *இப்பிரபஞ்சத்தின் தேவன் என்று 2கொரிந்தியர் 4:4ல் வரும் வார்த்தை பிதாவாகிய தேவனைக் குறிப்பதாக பலர் இந்நாட்களில் பிரசங்கம் செய்கிறார்களே? அது சரியா* என்று விளக்கவும்.
*பதில்* : வசனம் 2கொரிந்திய 4:4 “தேவனுடைய சாயலாயிருக்கிற கிறிஸ்துவின் மகிமையான சுவிசேஷத்தின் ஒளி, அவிசுவாசிகளாகிய அவர்களுக்குப் பிரகாசமாயிராதபடிக்கு, இப்பிரபஞ்சத்தின் தேவனானவன் அவர்களுடைய மனதைக் குருடாக்கினான்” என்ற இந்த வசனத்தில் வரும் இப்பிரபஞ்சத்தின் தேவன் என்ற வார்த்தை எந்த முரண்பாடுமின்றி சந்தேகத்திற்கிடமில்லாமல் சாத்தானையே குறிப்பதாகும்.
யோ. 12:31ல் பிசாசானவன், இவ்வுலகத்தின் அதிபதி என்றும்;
எபே. 2:2ல் ஆகாயத்து அதிகாரப் பிரபு என்றும்;
எபே. 6:12ல் இப்பிரபஞ்சத்தின் அந்தகார லோகாதிபதி, வானமண்டலங்களிலுள்ள பொல்லாத ஆவி என்றும் தெரிவிக்கப்பட்டுள்ளது.
"தேவன்" என்ற பெயர் சாத்தானுக்கு இங்கு வழங்கப்பட்டுள்ளது. அவனுடைய அதிகாரங்களினால் அல்ல, இந்த உலக மக்களின் சிந்தையில் அவன் அவ்வாறாக கருதப்படுவதாலேயே.
"இப்பிரபஞ்சம்" என்பது பொல்லாத உலகம் என்று பொருள்படும்; அல்லது மக்கள் கூட்டம். அவன் உலகத்தின் மீது ஆதிக்கம் செலுத்துகிறான். அவர்கள் அவனுடைய விருப்பத்திற்குக் கீழ்ப்படிகிறார்கள்; அவர்கள் அவனுடைய திட்டங்களை நிறைவேற்றுகிறார்கள்; அவர்கள் அவனுடைய நோக்கங்களை மேம்படுத்துகிறார்கள், மேலும் அவர்கள் அவனுக்கு கீழ்ப்படிகிறவர்களாய் இருக்கிறார்கள். அவன் இவ்வுலகத்தின் ஏராளமான மக்களை தன்வசப்படுத்தி அவர்களது இதயத்தில் தான் ஒரு கடவுளைப் போல உட்கார்ந்திருக்கிறான்.
1கொரி. 10:20ன் வசனத்தைக் கவனிக்கவும். "அவர்கள் தேவனுக்கு அல்ல, பேய்களுக்கு பலியிட்டார்கள்." சாத்தான் இந்த உலகத்தின் கடவுள் என்ற அறிவிப்பின் அர்த்தம் இங்கே:
(1) உலகத்தில் ஏராளமான மக்களை அவனது கட்டுப்பாட்டிலும் அவனது வழிகாட்டுதலிலும் வைத்து அவனுடைய மனிதர்கள், உண்மையான தேவன் மீதான விசுவாச துரோகத்தைப் கவனமாய் பாதுகாக்கிறான்.
(2) விக்கிரக வழிபாட்டு உலகம் குறிப்பாக அவனுடைய கட்டுப்பாட்டில் உள்ளது. மேலும் அங்கு அவன் வணங்கப்படுகிறான்; பேலியாட்களின் மத சடங்குகள் மற்றும் சடங்காச்சாரங்களில் அவன் போற்றப்படுகிறான்.
(3) அவன் சகல துன்மார்க்கரின் இதயங்களிலும் வாழ்க்கையிலும் ஆட்சி செய்கிறான். அவனை பின்பற்றுபவர்கள் அவனுக்குக் கீழ்ப்படிந்து, தேவனுக்கு விரோதமான செய்கைகளிலும், சத்தியத்தை விட்டு சுய இஷ்டமான ஆராதனைகளிலும், வேதத்திற்கு புறம்பான சகலவிதமான கேளிக்கைகளிலும், கிறிஸ்தவன், விசுவாசி, என்ற பெயரில் சுயலாபத்தையும் சுய கவுரவத்தையும் தேடி, உலகத்தை படைத்த ஆவியான தேவனுக்கு ஒப்பாக விக்கிரகங்களை உருவாக்கி, பரிசுத்தம் என்ற பெயரில் சகலவித அருவருப்புகளையும் அரங்கேற்றி உலக மக்களுக்கு ஈடாக அனைத்துவிதமான காரியங்களையும் மானக்கேடான செயல்களைச் செய்வதில் அவனுடைய விருப்பத்திற்கு அடிபணிகிறார்கள்.
இப்பிரபஞ்சத்தின் தேவன் என்று சொல்லப்படும் வார்த்தை அப்பட்டமாக – சாத்தானையே குறிக்கிறது.
*எடி ஜோயல் சில்ஸ்பி*
ஊழியர் - கணியாகுளம் கிறிஸ்துவின் சபை,
வேதாகம ஆசிரியர்
தொடர்பு : +91 81 44 77 6229
*Q&A Biblical வாட்ஸப்குழுவில் இணைய* க்ளிக் செய்யவும் :
https://chat.whatsapp.com/Lu8jhEd4Sag5XMhtNqGXi2
*Q&A Book ஆர்டர் செய்ய* :
https://kaniyakulamcoc.blogspot.com/2023/02/qr-code-link-for-q-book-payment.html
வலைதளம் :
http://www.kaniyakulamcoc.wordpress.com
YouTube “வேதம் அறிவோம்” :
https://www.youtube.com/joelsilsbee
*----*----*----*----*----*-----*
கருத்துகள் இல்லை:
கருத்துரையிடுக