யேகோவா மெக்காதேஷ்

*யேகோவா மெக்காதேஷ்*

by : Eddy Joel Silsbee

 

நம்மை பரிசுத்தமாக்கும் பிதாவாகிய தேவனுக்கே சகல மகிமையும் உண்டாவதாக.

 

எபிரேய வார்த்தைகளில் தேவனுடைய தன்மையை பார்த்து வருகிறோம். இவைகள் தேவனுடைய பெயர்கள் அல்ல. அவரது தன்மையை குறிக்கும் வார்த்தைகள்.

 

இன்று பார்க்கும் வார்த்தை *யேகோவா மெக்காதேஷ்*

ஆங்கிலத்தில் : Jehovah-M'Kaddesh

 

தமிழ் அர்த்தம் : உங்களை பரிசுத்தமாக்கும் தேவன்.

 

மொழி பெயர்த்ததால் இந்த எபிரேய வார்த்தையை தமிழ் வேதாகமத்தில் காண முடிவதில்லை.

 

மொழி பெயர்க்கப்பட்ட முழுமையான வார்த்தையாக பழைய ஏற்பாட்டில் “உங்களைப் பரிசுத்தப்படுத்துகிற கர்த்தர்” என்று 2 முறை வருகிறது. யாத். 31:13 & லேவி. 20:8.

 

மேலும், பரிசுத்தாமாக்குவதைக் குறித்து ஏறத்தாழ 700 முறை வருகிறது. 

 

க்காதாஷ் என்ற எபிரேய வார்த்தையிலிருந்து *மெக்கோதிஷ்கிம்* அல்லது *மெக்காதெஷ்* உருவானது. அதாவது "புனிதப்படுத்து", "புனிதம்" அல்லது "அர்ப்பணிப்பு" என்பது. புனிதப்படுத்துதல் என்பது ஒரு பொருளை அல்லது நபரை புனிதமான அர்ப்பணிப்பிற்கு பிரிப்பதாகும்.

 

யேகோவா என்ற வார்த்தையுடன் இணைந்த இந்த இரண்டு வார்த்தைகளும் *யேகோவா மெக்கோதிஷ்கிம் அல்லது யேகோவா மெக்காதிஷ்* என்பதற்கு "உன்னை வேறுபடுத்தும் இறைவன்" என்று மொழிபெயர்க்கலாம்.

 

*எவ்வளவு கீரிக்கொன்டாலும், பாத யாத்திரை போனாலும், மொட்டையடித்து தலைச்சவரம் செய்துக்கொண்டாலும், தானதர்மங்கள் செய்தாலும் நம் பாவத்தை நாமே சுத்தம் செய்துக்கொள்ள முடியாது*.

 

நம் பாவங்களை மன்னித்து நம்மை பரிசுத்தப்படுத்தும்படி ஜீவனுள்ள, சர்வ வல்லமையுள்ள, மகத்துவமுள்ள நம் ஆண்டவராலேயே முடியும் !!

 

கர்த்தரைப்போலப் பரிசுத்தமுள்ளவர் இல்லை; உம்மையல்லாமல் வேறொருவரும் இல்லை; எங்கள் தேவனைப்போல ஒரு கன்மலையும் இல்லை. 1சாமு. 2:2

 

கர்த்தாவே, தேவர்களில் உமக்கு ஒப்பானவர் யார்? பரிசுத்தத்தில் மகத்துவமுள்ளவரும், துதிகளில் பயப்படத்தக்கவரும், அற்புதங்களைச் செய்கிறவருமாகிய உமக்கு ஒப்பானவர் யார்? யாத். 15:11

 

கர்த்தராகிய நான் பரிசுத்தராயிருக்கிறபடியினாலே நீங்களும் எனக்கேற்ற பரிசுத்தவான்களாயிருப்பீர்களாக; நீங்கள் என்னுடையவர்களாயிருக்கும்படிக்கு, உங்களை மற்ற ஜனங்களைவிட்டுப் பிரித்தெடுத்தேன். லேவி. 20:26

 

*எடி ஜோயல் சில்ஸ்பி*

ஊழியர் - கணியாகுளம் கிறிஸ்துவின் சபை,

கிறிஸ்தவ திருமணப் பதிவாளர் (Incl. Govt. Registration)

ஆசிரியர் - கணியாகுளம் வேதாகம பள்ளி,

தொடர்பு : +91 81 44 77 6229

 

*Q&A Biblical Whatsappல் இணைய (locked group)* :

https://chat.whatsapp.com/CRFI38hPrYd9jomqUovH4s

 

இப்பதிவின் YouTube லிங்க்:

https://youtu.be/VYvSYQUuyks

 

வலைதளம் : www.kaniyakulamcoc.wordpress.com