#1036 - *ஆபிரகாம் ஆரானை விட்டு கானான் தேசத்திற்கு வரும்போது தேராகு உயிருடன் இருந்தாரா?* ஏனென்றால் தேராகு உயிரோடிருந்த காலம் 205 வருடங்கள். அவரின் 70ஆவது வயதில் ஆபிரகாம் பிறக்கிறார். மேலும், ஆபிரகாமின் 75வது வயதில் ஆரானை விட்டு கானானுக்கு புறப்படுவதால் தேராகுவின் வயது அந்த சூழ்நிலையில் 145 இருக்கவேண்டும். ஆகவே அப் 7:4ன்படி தேராகு மரித்தப் பின்னரே ஆபிரகாம் ஆரானை விட்டு கானானுக்கு வந்ததாக ஸ்தேவான் சொல்கிறார். விளக்கவும்.
*பதில்* : உங்கள் கேள்விக்கான வசன ஆதாரங்களை முதலில் கீழே பட்டியலிடுகிறேன். அதன் பின்பு அதற்கான விளக்கத்தைக் காண்போம்.
ஆதி. 11:26 *தேராகு எழுபது வயதானபோது*, ஆபிராம், நாகோர், ஆரான் என்பவர்களைப் பெற்றான்.
ஆதி. 11:32 *தேராகுடைய ஆயுசுநாட்கள் இருநூற்றைந்து வருஷம்*; தேராகு ஆரானிலே மரித்தான்.
ஆதி. 12:4 கர்த்தர் ஆபிராமுக்குச் சொன்னபடியே அவன் புறப்பட்டுப்போனான்; லோத்தும் அவனோடேகூடப் போனான். *ஆபிராம் ஆரானைவிட்டுப் புறப்பட்டபோது, எழுபத்தைந்து வயதுள்ளவனாயிருந்தான்*.
அப். 7:4 அப்பொழுது அவன் கல்தேயர் தேசத்தைவிட்டுப் புறப்பட்டு, காரானூரிலே வாசம்பண்ணினான். *அவனுடைய தகப்பன் மரித்தபின்பு*, அவ்விடத்தை விட்டு நீங்கள் இப்பொழுது குடியிருக்கிற இத்தேசத்திற்கு அவனை அழைத்துக்கொண்டு- வந்து குடியிருக்கும்படி செய்தார்.
உங்களது கேள்வி மிகச் சிக்கலானதே !!
வேதாகமம் தேவனுடைய வார்த்தை. (சங் 19:7-11, 1கொரி 12:7, 2பேது 1:19-21), அவரால் எழுதப்பட்டதுமாகையால் (2தீமோ 3:16) துளியும் வேதாகமத்தில் முரண்பாடு இல்லை (சங் 19:7, 18:30, 111:7; உபா 32:4; ரோ 12:2; யாக் 1:17) என்பதில் எந்த சந்தேகமும் கிடையாது.
சொல்லப்பட்ட வார்த்தைகளை நாம் சரியாக ஆராய்ந்து அறிய வேண்டியுள்ளது என்பதை இந்த வசனங்கள் நமக்கு சவால் விடுகிறது.
கீழே கவனிப்போம் :
ஆதி. 11: 26இன்படி கவனிக்கும் போது, தேராகு 70 வயதாகும்போது ஆபிராம், நாகோர், ஆரான் பிறந்ததாகத் தெரிகிறது.
ஆதி. 12:4 இலிருந்து, ஆபிரகாம் ஆரானில் இருந்து கானானுக்குப் புறப்பட்டபோது அவருக்கு 75 வயது.
ஆதி. 11:32இல், தேராகு இறக்கும் போது அவருக்கு 205 வயது என்று கூறப்படுகிறது, இதனால் ஆபிரகாம் ஆரானை விட்டு வெளியேறிய காலத்திற்கு அப்பால் 60 வருட தேராவின் வாழ்க்கையை விட்டுவிட்டார் என்று நினைக்கத் தோன்றுகிறது.
இந்த சிரமத்தை விளக்குவதற்கு பல்வேறு முறைகள் முன்மொழியப்பட்டுள்ளன:
(1) “எண்களில்” பிழைகள் அதிகமாக ஏற்பட வாய்ப்புள்ளது என்று ஒருசாரார் கருதுகின்றனர். “சமாரியாவின்” பிரதியில் கண்டெடுக்கப்பட்ட பென்டாட்யூக் (Pentateuch) என்று சொல்லப்படும் பழைய ஏற்பாட்டின் ஐந்தாகமங்களின்படி, தேராகு தனது 105 வயதில் ஆரானில் இறந்தார் என்று கூறப்படுகிறது. இது ஆபிரகாம் ஆரானை விட்டு வெளியேறுவதற்கு 40 ஆண்டுகளுக்கு முன்பே அவரது மரணம் நிகழ்ந்தது என்று வைத்துக்கொள்வோம். ஆனால் எபிரேய, லத்தீன், வல்கேட்(எபிரேயத்திலிருந்து லத்தீன் மொழியில் மொழிப்பெயர்க்கப்பட்டவை), செப்டுவஜின்ட்(எபிரேயத்திலிருந்து கிரேக்க மொழியில் மொழிப்பெயர்க்கப்பட்டவை), சிரியாக் மற்றும் அரபு மொழியாக்கத்தின் எழுத்துக்களில் 205 ஆண்டுகள் என்று சொல்லப்பட்டுள்ளது.
(2) தேராகுக்கு 70 வயதாக இருந்தபோதுதான் ஆபிரகாம் பிறந்தார் என்று உறுதிப்படுத்தப்படவில்லை. ஆதி. 11: 26-ல் உள்ள வசனமானது, வழக்கமான அர்த்தத்தின்படி, தேராகுவிற்கு எந்த மகன்களும் பிறப்பதற்கு முன்னர் 70 வயதானவராக இருந்தார் என்றும், அந்த மூவரும் அதற்கு பிறகே பிறந்தார்கள் என்பதையும் நிரூபிக்கிறது. ஆனால் எவர் முதலில் பிறந்தது அல்லது அவர்களின் பிறப்புக்கு இடையில் என்ன இடைவெளிகள் தோன்றின என்று தெரியவில்லை. நிச்சயமாக, தேராகுவிற்கு 70 வயதாக இருந்த நேரத்தில் அனைவரும் துல்லியமாக பிறந்தவர்கள் என்று அர்த்தமல்ல. மேலும், இந்த மூவரில் ஆபிரகாம் மூத்தவர் என்பதும் தெரியவில்லை. உதாரணமாக, நோவாவின் குமாரர் சேம், காம், யாபேத் என்று யாபேத்தை கடைசியாக (ஆதி.5:32) குறிப்பிட்டிருந்தாலும், யாபேத் மூத்தவர் என்பதை ஆதி. 10:21ல் காணமுடியும். அது போல, ஆபிரகாம் மிகவும் புகழ்பெற்றவராகவும், மோசே எழுதுகின்ற யூத மக்களின் தந்தையாகவும் இருந்ததால், ஆபிரகாம் மூத்தவர் என்பதை நிரூபிக்க முடியாவிட்டாலும் அவரை முதலில் குறிப்பிட வேண்டும் என்பது இயல்பானது. ஆகவே, தேராகுவிற்கு 70 வயதாகி பல ஆண்டுகளுக்குப் பிறகு அவரது பிறப்பு நிகழ்ந்திருக்கலாம் என்று கருதுவதில் எந்தவிதமான சந்தேகமும் இல்லை.
(3) ஆபிரகாம் ஆரானை விட்டு வெளியேறுவதற்கு முன்பு தேராகு விக்கிரகாராதனையில் இருந்தார் என்பதை யூதர்கள் ஒருமனதாக உறுதிப்படுத்துகிறார்கள் (யோசுவா 24:2). இந்த செயலானது "மரணம்" அல்லது ஒரு தார்மீக மரணம் (குயினோல்) என்பதைக் குறிக்கிறது. ஆகையால், ஏதோ ஒரு காரணத்தினால், ஆபிரகாம் அவரை விட்டு விலகுவதற்கு முன்பு தேராகுவை "இறந்தவர்" என்று பேசுவதற்கு அவர்கள் பழக்கமாகிவிட்டார்கள் என்பது உறுதி. யூதர்களிடையே வழக்கமாக இருந்த மொழியை மட்டுமே ஸ்தேவான் பயன்படுத்தினார்.
மேலும், மூத்தவர் துவங்கி இளையவர் வரை மகன்களின் பெயர்களை பட்டியலிடுவது வழக்கம் என்றாலும், இந்த நடைமுறை எப்போதும் பின்பற்றப்படவில்லை என்பதை நாம் மனதில் கொள்ள வேண்டும். ஆபிரகாம் பிறந்தபோது தேராகுவிற்கு 70 வயது என்று ஆதியாகமம் 11:26 சொல்லவில்லையே. ஆரான் தேராகுவின் மூத்த மகனாக இருந்திருக்கவும் வாய்ப்புள்ளது(ஆதி. 11:28). நாகோர் அநேகமாக நடுத்தர மகன் மற்றும் ஆபிரகாம் இளையவராக இருந்திருக்கலாம். தேராகுவின் மகன்களில் மிக முக்கியமானவர் என்பதால் ஆபிரகாம், முதலில் பட்டியலிடப்பட்டிருக்கலாம். வசனத்தின்படி ஆபிரகாம், ஆரானை விட்டு வெளியேறும்போது அவருக்கு 75 வயதாக இருந்ததால், தேராகுவிற்கு 130 வயதாக இருந்தபோது ஆபிரகாம் பிறந்திருக்க வேண்டும் என்பதை கணக்கிட வாய்ப்புள்ளது.
அப்படியாக கணக்கிடும்போது, ஸ்தேவான் சொன்னபடி, தேராகு மரித்தப்பின்னரே ஆபிரகாம் கடந்து வந்தார் என்பதை தெளிவாக சொல்ல முடியும்.
*எடி ஜோயல் சில்ஸ்பி*
ஊழியர் - கணியாகுளம் கிறிஸ்துவின் சபை,
வேதாகம ஆசிரியர்
தொடர்பு : +91 81 44 77 6229
*Q&A Biblical வாட்ஸப்குழுவில் இணைய* க்ளிக் செய்யவும் :
https://chat.whatsapp.com/Lu8jhEd4Sag5XMhtNqGXi2
*Q&A Book ஆர்டர் செய்ய* :
https://kaniyakulamcoc.blogspot.com/2023/02/qr-code-link-for-q-book-payment.html
வலைதளம் :
http://www.kaniyakulamcoc.wordpress.com
YouTube “வேதம் அறிவோம்” :
https://www.youtube.com/joelsilsbee
*----*----*----*----*----*-----*
*REFERENCES:*
Barnes, Albert (1997), Barnes’ Notes
Clarke, Adam (1996), Adam Clarke’s Commentary.
Coffman, James Burton (1985), Commentary on Genesis.
Keil, C.F. and F. Delitzsch (1996), Keil and Delitzsch Commentary on the Old Testament, new updated edition.
Lenski, R.C.H. (1961), The Interpretation of the Acts of the Apostles.
Leupold, H.C. (1942), Exposition of Genesis.
Lyons, Eric (2001), “How Old Was Terah When Abraham Was Born?”.
McGarvey, J.W. (no date), New Commentary on Acts of Apostles.
Whitcomb, John C. and Henry M. Morris (1961), The Genesis Flood.
Willis, John T. (1984), Genesis.
The Wycliffe Bible Commentary (1962).
கருத்துகள் இல்லை:
கருத்துரையிடுக