#1016- *சங்கீதம் 119ஐ குறித்து விவரிக்கவும்*.
*பதில்* : தேவனுடைய சட்டத்தைப் பற்றிய ஒரு சங்கீதம் இது.
இதை தாவீது எழுதினார் என்று பொதுவாக நம்பும்படிக்கு மனம் ஏற்றாலும், 444ம் கி.மு.வில் எஸ்றா இந்த சங்கீதத்தை எழுதியிருக்கலாம் என்று ஒரு கூற்று உள்ளது.
மொத்தமாக – இந்த சங்கீதத்தின் தலைப்பு – தேவனுடைய சட்டங்களின் சிறப்பையும், அவற்றைக் கடைப்பிடிப்பவர்களின் மகிழ்ச்சியையுமே முக்கியமாக வலியுறுத்தப்பட்டுள்ளது.
வேதாகமத்தில் இருக்கும் மொத்த 1,189 அதிகாரங்களில் இந்த சங்கீதம் 119 மிக நீளமான சங்கீதம்.
இந்த அதிகாரம், ஒற்றை சங்கீதத்தை கொண்டது அல்ல. 22 சங்கீதங்களின் தொடர் அல்லது பாகங்கள் எனலாம்.
இந்த 119ம் சங்கீதத்தில் வரும் ஒவ்வொரு பாகமும் எட்டு (8) வசனங்களைக் கொண்டது.
எழுத்தாளர் எழுதிய அழகை / ஆர்வத்தை / நேர்த்தியை – நம்முடைய தமிழ் மொழிபெயர்ப்பிலும் இழந்திருப்பது ஒரு வருத்தமே.
*எபிரேய எழுத்துக்கள் மொத்தம் 22*.
அவை :
அலெஃப், பெட், கிமல், டேலட், ஹி, வாவ், ஜாயின், சேட், டெட், யோட், காஃப், லேமட், மெம், நூன், சமேக், ஆயின், பெ, சடே, கோஃப், ரேஷ், ஷின் & டவ்
தமிழ் உச்சரிப்பில் பிழை வர வாய்ப்புகள் உள்ளதால் அவற்றை ஆங்கிலத்தில் கீழே எழுதுகிறேன்.
Alef, Bet, Gimel, Dalet, He, Waw, Zayin, Chet, Tet, Yod, Kaf, Lamed, Mem, Nun, Samech, Ayin, Pe, Tsade, Qof, Resh, Shin & Tav
இந்த 22 எழுத்துக்களின் அடிப்படையில் 119ம் சங்கீதமானது 22 பாகங்களாக பிரிக்கப்பட்டுள்ளது. மேலும், அந்தந்த பாகத்தின் கீழ் பிரிக்கப்பட்ட ஒவ்வொரு வசனமும் அதற்குறிய பாகத்தின் தலைப்பைக் கொண்டே துவங்குவது எபிரெயத்தில் உள்ள ஆச்சிரியம். தமிழில் அல்லது மற்ற மொழிகளில் மொழி பெயர்த்த போது அதை இழந்திருக்கிறோம்.
*உதாரணத்திற்கு*:
முதல் எபிரேய எழுத்து *அலேஃப்*
முதல் பாகத்தில் உள்ள 8 வசனங்களின் முதல் எழுத்தும் “அலேஃப்” என்ற எழுத்தைக் கொண்டே துவங்குகிறது !!!
எபிரேய பாஷையில் வசனங்களின் முதல் 2 வார்த்தைகளை மாத்திரம் கீழே *தமிழ் ஒலியில்* எழுதுகிறேன் கவனிக்கவும்.
119:1 – அஷ்ரி திம்மி....
119:2 – அஷ்ரி ன்ட்சிரி...
119:3 – அஃப் லஃபோலு...
119:4 – அத்தே ஸ்யூதே...
119:5 – அச்சிலி இக்னு...
119:6 – அஸ் லா-அபுஷ்..
119:7 – அவுத்-கே பிஷர்..
119:8 – அத் ச்சீஇக்...
*நன்கு கவனிக்கவும்*.. ஒவ்வொரு வசனத்தின் முதல் எழுத்தும் “அ” வில் துவங்குகிறது. அது போலவே 22 பாகங்களின் கீழ் வரும் 8 வசனங்களும் அதினதின் எழுத்துக்களைக் கொண்டே துவங்குகிறது ஆச்சரியமும் அழகும் !!
ஆக, 8 வசனங்களைக் கொண்ட 22 பாகங்களின்படி மொத்தம் 8x22=176 வசனங்கள் இந்த 119ம் அதிகாரத்தில் உள்ளது.
இந்த சங்கீதத்தின் ஆச்சரியம் முடிந்துவிடவில்லை, இன்னும் இரண்டு முக்கியமான ஆச்சரியம் உள்ளது.
ஒவ்வொரு எழுத்திற்கு சம்பந்தப்பட்ட ஓர் அர்த்தத்துடன் அதன் கீழ் வரும் 8 வசனங்களும் அந்த எழுத்தினுடைய அர்த்தத்தின் அடிப்படையிலேயே அமைந்திருக்கிறது !
சில நேரங்களில், பாடலின் பெயரும் ஒரு எபிரேய வார்த்தையை பிரதிபலித்து ஒவ்வொரு பகுதியிலும் விவாதிக்கப்படும் தலைப்புடன் தொடர்புடையதாக இருக்கிறது.
A. அலெப் – வல்லமை மிக்க ஆசீர்வாதம் - சங்கீதம் 119: 1-8. எபிரேய மொழியில் அலெஃப் என்பது ஒரு எருது.
B. பெத் - பாதுகாப்பு இல்லம் - சங்கீதம் 119: 9-16. இந்த வார்த்தையை பல பெயர்களில் காண்கிறோம். பெத்தேல், பெத்லகேம் போன்றவை.
C. கிமல் - வாழ்க்கை வழியாக பயணம் - சங்கீதம் 119: 17-24. எபிரேய மொழியில் ஒரு கிமல் ஒரு ஒட்டகம், நீங்கள் பயணம் செய்யும் போது உங்களைச் சுமந்து செல்லும் ஒன்று
D. டேலேத் - துக்கங்களிலிருந்து வெளியே செல்லும் பாதையை காண்பிக்கும் வாயிற்கதவு - சங்கீதம் 119: 25-32
E. ஹி – நீதியை பின்பற்றுதல் – சங்கீதம் 119:33-40
F. வாவ் – நம்பிக்கையைப் பற்றியிருப்பது - சங்கீதம் 119: 41-48
G. ஜாயின் – நம்முடைய ஆயுதம் - சங்கீதம் 119: 49-56
H. சேத் – துன்மார்க்கரைக் கண்டு அஞ்சவேண்டியதில்லை - சங்கீதம் 119: 57-64
I. டெத் - சாத்தானால் மூழ்கடிக்கப்பட்டது - சங்கீதம் 119: 65-72
J. யோத் – தேவனின் கரம் - சங்கீதம் 119: 73-80
K. கப் - ஆறுதலுக்காக ஏங்குதல் - சங்கீதம் 119: 81-88
L. லாமேத் - விடாமுயற்சியைக் கற்றல் - சங்கீதம் 119: 89-96
M. மெம் - இனிமையான தியானம் - சங்கீதம் 119: 97-104
N. நூன் - நம்மை மழுங்கடிக்காமல் வைக்கும் ஒரு ஒளி - சங்கீதம் 119: 105-112
O. சமேக் - ஆதரவு மற்றும் நிலைத்திருத்தல் - சங்கீதம் 119: 113-120
P. ஆயின் - இரட்சிப்பைத் தேடுதல் - சங்கீதம் 119: 121-128
Q. பெ - வார்த்தையைத் தூண்டுவது - சங்கீதம் 119: 129-136
R. த்ஸாதே - நீதியுள்ளவர் - சங்கீதம் 119: 137-144
S. கோஃப் – என் அழுகையைக் கேளுங்கள் - சங்கீதம் 119: 145-152
T. ரேஷ் - துன்பத்திலிருந்து மீட்கப்பட்டது - சங்கீதம் 119: 153-160
U. ஷின் – தேவ வார்த்தையால் கூர்மைப்படுத்தப்பட்டது - சங்கீதம் 119: 161-168
V. தவ் - சேவைக்காக என்னைக் குறிக்கவும் - சங்கீதம் 119: 169-176
*நான் அறிந்த இன்னுமொரு ஆச்சரியம்* :
122ம் வசனத்தை தவிர்த்து, தேவன் மனிதர்களுக்கு அளித்த வெளிப்பாட்டை வெளிப்படுத்தும் வார்த்தைகளை அத்தனை வசனங்களும் கீழ்கண்ட ஏதாவதொரு வார்த்தையைக் கொண்டிருக்கும்:
1. சாட்சியங்கள்;
2. கட்டளைகள்,
3. கற்பணைகள்;
4. வார்த்தை;
5. சட்டம்;
6. வழிகள்;
7. உண்மை;
8. தீர்ப்புகள்;
9. நீதியும்;
10. சட்டங்கள்.
சிறப்பு என்னவெனில் – *மேலே கூறிய 10 வார்த்தைகளுமே தேவனுடைய பிரமாணத்தை வெளிப்படுத்தும் வார்த்தைகள்* !!
ஏன் 122ம் வசனம் மாத்திரம் இந்த விதியிலிருந்து விலக்கப்பட்டது என்பதை நான் அறியேன். சுமார் 7 மணி நேரம் பிடித்தது இந்த பதிவை எழுதி முடிக்க.. இந்த கேள்வியைக் கேட்டவருக்கு என் வாழ்த்துக்கள். அநேகருக்கு இந்த பதிவு ஒரு பொக்கிஷமாக இருக்கும் என்று நம்புகிறேன்.
என்னுடைய ஆராய்ச்சியில் வெளி வந்ததல்ல இது.
கிரேக்கத்திலும் ஆங்கிலத்திலும் இதை குறித்து ஏற்கனவே பல வேத வல்லுனர்கள் எழுதியதை உங்கள் முன் களஞ்சியமாக வைத்திருக்கிறேன்.
*எடி ஜோயல் சில்ஸ்பி*
ஊழியர் - கணியாகுளம் கிறிஸ்துவின் சபை,
வேதாகம ஆசிரியர்
தொடர்பு : +91 81 44 77 6229
*Q&A Biblical வாட்ஸப்குழுவில் இணைய* க்ளிக் செய்யவும் :
https://chat.whatsapp.com/Lu8jhEd4Sag5XMhtNqGXi2
*Q&A Book ஆர்டர் செய்ய* :
https://kaniyakulamcoc.blogspot.com/2023/02/qr-code-link-for-q-book-payment.html
வலைதளம் :
http://www.kaniyakulamcoc.wordpress.com
YouTube “வேதம் அறிவோம்” :
https://www.youtube.com/joelsilsbee
*----*----*----*----*----*-----*
கருத்துகள் இல்லை:
கருத்துரையிடுக