#923 - *சங்கீதம் 55:12,13,14 வசனங்களை குறித்து விளக்கவும்*.
*பதில்*
சங். 55:12-14 என்னை நிந்தித்தவன் சத்துரு அல்ல, அப்படியிருந்தால் சகிப்பேன்; எனக்கு விரோதமாய்ப் பெருமை பாராட்டினவன் என் பகைஞன் அல்ல, அப்படியிருந்தால் அவனுக்கு மறைந்திருப்பேன் எனக்குச் சமமான மனுஷனும், என் வழிகாட்டியும், என் தோழனுமாகிய நீயே அவன். நாம் ஒருமித்து, இன்பமான ஆலோசனைபண்ணி, கூட்டத்தோடே தேவாலயத்துக்குப் போனோம்.
“நிந்திக்கப்படுதல்” என்ற வார்த்தை அவதூறைக் குறிக்கிறது; மோசமான; துஷ்பிரயோகம். அது அவருடைய முன்னிலையில் நடந்தது என்று அவசியமில்லை.
இதைச் செய்தது “எதிரி அல்ல” என்று அவர் கூறும்போது, அந்த நபர் வெளிப்படையாக அனைவர் பார்வையிலும் எதிராளியாக இருந்தவர் அல்ல என்பதை அறிகிறோம்.
அவனை மூழ்கடித்தது என்பது நண்பனாக இருந்த ஒருவரிடமிருந்து நிந்தனை வந்தது; அல்லது, தனிப்பட்ட நம்பிக்கைக்குரியவராகக் கருதிய ஒருவரிடமிருந்து வந்தது.
சங்கீதக்காரன் தன் எதிரிகளால் நிந்திக்கப்படவில்லை என்று கருதுவதற்கில்லை.
அவனை நிந்தித்தவர்களிடமும் அவதூறாகவும் பேசியவர்களில் குறிப்பாக அவரது நண்பரானவர் என்ற கண்டுபிடிப்பால் அவரது வேதனை தாங்க முடியாததாகவும் இருந்தது.
சங்கீதம் இயற்றப்பட்ட சந்தர்ப்பத்தை கவனித்தால் அகித்தோப்பேல் (2சாமு 15:31) என்பது யூகிக்க முடியும்.
இதை ஒத்ததான ஒரு வசனம் சங் 41:9 இல் குறிப்பிடப்பட்டுள்ளது.
எதிரிகளிடமிருந்து வரும் நிந்தைகளை நாம் எதிர்பார்த்ததே – அவைகளை நாம் எதிர் கொள்ள ஒரளவு தயாராக எப்போதும் இருப்போம். ஆனால் நண்பர்கள் எதிரணியில் இருக்கிறார் என்று அறியும் போது – நம்முடைய சகல ஆலோசனையும், திட்டங்களும், இரகசியங்களும், இடங்களும், பாதுகாப்பும், பலமும், எல்லாம் அவனுக்கு தெரிந்திருக்கும் ஆகையால் – அனைத்தும் மொத்தமும் இழக்க நேரிடலாம். அப்படிப்பட்ட சூழ்நிலையில் இருந்து சடுதியில் மீள வேண்டும் என்பதற்காக – தாவீது – அப்படிப்பட்டவனுடைய யோசனையையே தாறுமாறக்க வேண்டும் என்று தேவனிடத்தில் வேண்டினார். 2சாமு. 13:31.
தாவீதின் ரகசிய ஆலோசகரும் நண்பருமான அகித்தோப்பேல் அவரது ரகசியத் திட்டங்களையும் அவரது உண்மையான தன்மையையும் அறிந்திருக்க வேண்டும்; எனவே, அத்தகையவரிடமிருந்து வரும் நிந்தைகள் தீர்க்க முடியாதவை.
நீங்கள் அவனவன் தன்தன் சிநேகிதனுக்கு எச்சரிக்கையாயிருங்கள், எந்தச் சகோதரனையும் நம்பாதிருங்கள்; எந்தச் சகோதரனும் மோசம்பண்ணுகிறான், எந்தச் சிநேகிதனும் தூற்றித்திரிகிறான். எரே. 9:4
சிநேகிதனை விசுவாசிக்கவேண்டாம், வழிகாட்டியை நம்பவேண்டாம்; உன் மடியிலே படுத்துக்கொள்ளுகிறவளுக்கு முன்பாக உன் வாயைத் திறவாமல் எச்சரிக்கையாயிரு. மீகா 7:5
கிறிஸ்தவர்கள் ஒவ்வொருவரும் ஒரே இரத்தத்தில் ஒரே சரீரத்தில் ஒரு தகப்பனால் பெற்றெடுக்கப்பட்டவர்கள். அவர்கள் எப்போதும் ஐக்கியமாக இருத்தல் அவசியம்.
இப்படியிருக்க, கர்த்தர் தயையுள்ளவரென்பதை நீங்கள் ருசிபார்த்ததுண்டானால், சகல துர்க்குணத்தையும், சகலவித கபடத்தையும், வஞ்சகங்களையும், பொறாமைகளையும், சகலவித புறங்கூறுதலையும் ஒழித்துவிட்டு, நீங்கள் வளரும்படி, புதிதாய்ப் பிறந்த குழந்தைகளைப்போல, திருவசனமாகிய களங்கமில்லாத ஞானப்பாலின்மேல் வாஞ்சையாயிருங்கள். 1பேதுரு 2:1-3
*எடி ஜோயல் சில்ஸ்பி*
ஊழியர் - கணியாகுளம் கிறிஸ்துவின் சபை,
வேதாகம ஆசிரியர்
தொடர்பு : +918144776229
*கேள்வியும் வேதாக பதில்களும் வாட்ஸப்குழுவில் இணைய* க்ளிக் செய்ய வேண்டிய லிங்க்: https://chat.whatsapp.com/Lu8jhEd4Sag5XMhtNqGXi2
Website : http://www.kaniyakulamcoc.wordpress.com
YouTube Channel : https://www.youtube.com/joelsilsbee
*----*----*----*----*----*-----*
கருத்துகள் இல்லை:
கருத்துரையிடுக