#1178 - *பைபிள் வசனத்தைப் படித்தால் பசி தீர்ந்து விடுமா?* மனுஷன் அப்பத்தினாலேமாத்திரமல்ல, தேவனுடைய வாயிலிருந்து புறப்படுகிற ஒவ்வொரு வார்த்தையினாலும் பிழைப்பான் என்று எழுதியிருக்கிறதே என்ற மத்தேயு 4:4ன் வாக்கியத்தை விளக்கவும்.
*பதில்* : தேவனுடைய நீதியை நிறைவேற்றும்படிக்கு ஞானஸ்நானம் எடுத்துக்கொண்ட இயேசு கிறிஸ்து தண்ணீரைவிட்டு கறையேறிய போது பரிசுத்த ஆவியானவர் புறாவைப் போல இறங்கினார். வானத்திலிருந்து பிதாவாகிய தேவன் இயேசு கிறிஸ்துவை “இவர் என்னுடைய நேசகுமாரன்” என்றார். அப்பொழுது, பரிசுத்த ஆவியானவரே இயேசுவை கொண்டு போய் பிசாசினால் சோதிக்கப்பட வனாந்திரத்தில் விட்டார். (மத். 3:16-17; 4:1)
இயேசு "பரிசுத்த ஆவியினால் நிறைந்தவராய்" என்று லூக்கா லூக்_4:1ல் கூறுகிறார்; அதனால், பரிசுத்த ஆவியானவரின் உந்துதலால் அவர் சோதிக்கப்பட வனாந்திரத்திற்குச் சென்றார்.
இது இயேசுவின் தரப்பில் அனுமானத்தால் அல்லது சோதனையை எதிர்ப்பதில் அவருடைய வல்லமையைக் காட்டுவதற்காக அல்ல; ஆனால், பிதாவாகிய தேவனுக்கு விசுவாசமாக இருந்து இயேசுவை வஞ்சிக்க முடியாத அளவுக்கு அவருடைய பரிசுத்தம் இருந்தது என்பது தெளிவாகத் தெரியும்படிக்கே இது நிகழ்ந்தது.
முதல் ஆதாம் சிருஷ்டிக்கப்பட்டபோது, அவன் பிசாசின் சோதனைக்கு ஆளானான். அவன் பிசாசின் சூழ்ச்சிக்கு விழுந்து போய் சகலத்தையும் நாசமாக்கினான்.
இரண்டாவது ஆதாம் – உலகத்தின் மீட்பர் - சோதனைக்கு உட்படுத்தப்படுவதென்பது; எந்த சக்தியோ எந்தவொரு சூழ்ச்சியோ அல்லது எப்படிப்பட்ட சூழலோ அவரை தேவனிடத்திலிருந்ததான விசுவாசத்திலிருந்து பிரிக்கவோ பரிசுத்தத்திலிருந்து துளியும் விலக்கிச்செல்லவோ முடியவில்லை என்பதை நிரூபித்தது.
நாற்பது நாளுக்கு முன்னர் ஞானஸ்நானம் எடுத்தும், பரலோகத்திலிருந்து தேவனிடமிருந்து நேரடி சாட்சியம் வந்திருந்தும், இப்போது நாற்பது நாளாக சோதிக்கப்பட்டிருக்கும் இச்சூழ்நிலையில், ஒருவேளை தேவன் கைவிட்டு விட்டாரோ? நம்மை மறந்து விட்டாரோ? நாம் செய்ததில் ஏதேனும் தவறு ஏற்பட்டு விட்டதோ என்று எவராவது நம்மிடம் கேட்டால் நமக்குச் சந்தேகம் வருவதற்கு எல்லா முகாந்திரமும் இருந்திருக்கும் !! ஆனால், *நீர் தேவனுடைய குமாரனேயானால்* இந்த கற்களை அப்பங்களாக மாற்றும் என்று சொல்ல (மத். 4:3) கிறிஸ்துவோ, அவனது ஆலோசனைக்குச் செவிசாய்க்காமல், தனக்கு வல்லமை உள்ளதா இல்லையா என்று பிதாவாகிய தேவன் மீது சந்தேகப்பட்டு முயற்சி செய்து சரிபார்த்துக்கொள்ளாமல், கிறிஸ்து பழைய ஏற்பாட்டிலிருந்து ஒரு மேற்கோள் மூலம் பதிலளித்தார். இப்பகுதி உபாகமம் 8:3 இல் காணப்படுகிறது.
அந்த இடத்தில் வரும் வாக்கியமானது மன்னாவை குறிப்பிட்டு சொல்லப்பட்டது.
உபா. 8:3 “அவர் உன்னைச் சிறுமைப்படுத்தி, உன்னைப் பசியினால் வருத்தி, மனுஷன் அப்பத்தினால் மாத்திரம் அல்ல, கர்த்தருடைய வாயிலிருந்து புறப்படுகிற ஒவ்வொரு *வார்த்தையினாலும்* பிழைப்பான் என்பதை உனக்கு உணர்த்தும்படிக்கு, நீயும் உன் பிதாக்களும் அறியாதிருந்த மன்னாவினால் உன்னைப் போஷித்தார்” என்பது.
மனிதன் வெறும் அப்பத்தினால் மட்டும் வாழவில்லை, ஆனால் வாழ்க்கையை ஆதரிக்க வேறு விஷயங்களும் உள்ளன என்பதையும், தேவனிடம் அப்பம் மாத்திரம் அல்ல ஆனால் அவரிடத்தில் அனைத்தும் இருப்பதையும் அவர்கள் அறிந்து கொள்வதற்காக, கர்த்தர் மக்களைத் தாழ்த்தி, அசாதாரணமான ஒரு வகையான மன்னாவை அவர்களுக்கு அளித்தார் என்று மோசே கூறுகிறார்.
பசியினால் நாம் வயிற்றைப் பிசைந்துக் கொண்டிருக்கும் போது, இந்த வசனத்தைக் காண்பித்து “*பைபிள் எடுத்துப்படித்தால் பசி தீர்ந்து விடும் என்பது அல்ல அர்த்தம்*” !!
இந்த இடத்தில் பயன்படுத்தப்படும் "*வார்த்தை*" என்ற எபிரேய மொழியின் மோட்ஸா மோட்ஸா என்னும் எபிரேய வார்த்தையின் அர்த்தம், *பொருள்*, என்பது தெளிவாக இந்த இடத்தில் அர்த்தம் உள்ளது.
மோசேயோ அல்லது நம் இரட்சகரோ ஆன்மீக உணவைப் பற்றியோ, அல்லது விசுவாசிகளின் விசுவாசத்தை ஆதரிக்க தேவையான கோட்பாடுகளையோ குறிப்பிடவில்லை.
ஆனால் அவர்கள் வெறுமனே அப்பத்தைத் தவிர மற்ற விஷயங்களாலும் தேவன் நம் வாழ்க்கையை ஆதரிக்க முடியும் என்பதாகும்.
மனிதன் தேவனை உண்மையாய் பற்றியிருந்தால், அவன் வனாந்திரத்தில் இருந்தாலும், ஒன்றும் ஆகாரத்திற்கு வழியே இல்லாத இடத்தில் தவித்தாலும், தேவனுடைய வல்லமையால் அப்பம் மாத்திரமல்ல, தேவனுடைய வாயிலிருந்து வெளிப்படும் மற்ற எல்லாவற்றாலும் நம்மை திருப்திப்படுத்த முடியும்.
அப்படியானால், இயேசு கிறிஸ்துவின் பதிலின் சாராம்சம்: “தேவனுடைய வல்லமையை அறிந்துக் கொள்ள அல்லது எனது பசியை ஆற்றிக்கொள்ள இதை செய்து தான் நான் பிழைக்க வேண்டியதில்லை… தேவனுடைய சித்தமே அதை உருவாக்கும் என்பதாகும்”.
வாழ்க்கை தேவனுடைய விருப்பத்தைப் பொறுத்தது. அவர் அதை மற்ற வழிகளிலும் ஆதரிக்க முடியும். வெறுமனே அப்பத்தால் அல்ல… தேவனுடைய வாயிலிருந்து எது வந்தாலும் அதன் மூலமாகவும் எனக்கு அவரால் ஆகாரத்தைக் கொடுக்க முடியும் என்பதாகும்.
துன்மார்க்கரின் ஆலோசனையில் நடக்கவேண்டாம் என்ற சங்கீதம் 1:1ம் வசனம் எனக்கு நினைவிற்கு வருகிறது !!
சாத்தான் அடிக்கடி நம் சூழ்நிலைகளைப் பயன்படுத்தி நம்மைச் சோதிப்பான். நெருக்கடியின் மூலமாக, பசியுள்ளவர்கள் மூலமாக, பணக்கஷ்டத்திலிருப்பவர் மூலமாக மற்றும் துன்பத்தில் இருப்பவர்களிடம் அடிக்கடி பழிவாங்கவும் தேவனை நோக்கி முறையிடவும் தூண்டுவான்.
சாத்தானின் சோதனைகள் பெரும்பாலும் நாம் குறிப்பிடத்தக்க வகையில் விரும்பப்பட்ட வகையிலேயே பலமாக இருக்கும்.
இயேசு தேவனுடைய குமாரன் என்று அழைக்கப்பட்டார். சாத்தான் அவரை சோதிக்க இந்த வாய்ப்பைப் பயன்படுத்தினான்.
மன அமைதி, அல்லது கடவுளைப் பற்றிய புதிய பார்வை போன்றவற்றால் நாம் விரும்பப்படும்போது, அடிக்கடி நம்மை பெருமை மற்றும் வீண் சுய-கருணையால் நிரப்ப முயற்சித்து நம்மைத் தாழ்த்தக்கூடிய மற்றும் பாவத்திற்கு இட்டுச் செல்லும் ஒன்றைச் செய்யும்படி நம்மைத் தூண்ட முயற்சிப்பான்.
சாத்தானின் சோதனைகளை, இரட்சகர் கடந்து வந்தது போல், வேதத்தின் தெளிவான மற்றும் நேர்மறையான வசனங்களைக் கொண்டு நாம் சந்திக்க வேண்டும்.
சோதனையிலிருந்து மீண்டு வர எக்காரணத்தைக் கொண்டும் நம் சொந்த உணர்வுகளையோ அல்லது நம் விருப்பத்தையோ நம்பக்கூடாது.
*எடி ஜோயல் சில்ஸ்பி*
ஊழியர் - கணியாகுளம் கிறிஸ்துவின் சபை,
வேதாகம ஆசிரியர்
தொடர்பு : +91 81 44 77 6229
*Q&A Biblical வாட்ஸப்குழுவில் இணைய* க்ளிக் செய்யவும் :
https://chat.whatsapp.com/Lu8jhEd4Sag5XMhtNqGXi2
*Q&A Book ஆர்டர் செய்ய* :
https://kaniyakulamcoc.blogspot.com/2023/02/qr-code-link-for-q-book-payment.html
வலைதளம் :
http://www.kaniyakulamcoc.wordpress.com
YouTube “வேதம் அறிவோம்” :
https://www.youtube.com/joelsilsbee
*----*----*----*----*----*-----*
கருத்துகள் இல்லை:
கருத்துரையிடுக