#351 - மத்தேயு, 23:23 இவ்வார்த்தையை மேற்கோள்காட்டி தசமபாகம் கட்டாயம் என கேட்கின்றார்கள்

#351 - *மத்தேயு, 23:23ம் வசனங்களை மேற்கோள்காட்டி தசமபாகம் கட்டாயம் என கேட்கின்றார்கள் இதனை குறித்து விளக்கம் தாருங்கள்*

*பதில்* :

இவைகளையும் செய்ய வேண்டும் – அவைகளையும் விட்டு விடாதிருக்க வேண்டும் என்று இயேசு கிறிஸ்து சொன்னது பழைய நியமத்தையும் புதிய நியமத்தையும் சேர்த்து சொன்னது அல்ல (!!) *தசமபாகத்தையும் - நீதியையும் இரக்கத்தையும் சேர்த்து சொன்னார்*.

சிலுவைக்கு முன்னர் அவர் இந்த போதனையை சொன்ன போது புது நியமனம் வரவே இல்லையே !!  (எபி. 9:16-17)

இயேசு - சிலுவைக்கு முன்னர் முழுக்க முழுக்க நியாயபிரமானத்திற்கு கீழ்பட்டவராக (கலா. 4:5) வாழ்ந்து 10+603 கட்டளைகளான நியாயபிரமானத்தை “நிறைவேற்றினார்”  (மத். 5:17).

எந்த மனுஷனும் 100 சதவீதம் தேவன் கொடுத்த மோசேயின் பிரமானத்தை கடைபிடித்து வாழமுடியும் என்பதை நிரூபித்தார்.

நியாயபிரமானத்தை மீறினார் என்று பொய் சாட்சிகளை கிறிஸ்துவுக்கு எதிராய் ஏவியும் கூட அவர்களாலேயே நிரூபிக்க முடியாமல் போனது (லூக். 23:14, 15, 22, மத். 26:60)

நியாயபிரமானத்தின்படி அவர் வாழ்ந்ததால் தான் – அவர் புறஜாதியாருக்கு அல்ல இழந்து போனதை தேடவே வந்தேன் என்றார் (லூக்கா 19:10, மத். 15:24) புறஜாதியினிடத்திற்கு போக வேண்டாம் என்று தன் சீஷருக்கு கட்டளையிட்டார் (மத். 10:5-6)

உயிர்த்தெழுந்தபின் அவர் சொன்னது – உலகமெங்கும் போய் *சர்வசிருஷ்டிக்கும்* பிரசங்கியுங்கள் என்றார் (மத். 28:18-19)

பழைய நியமனமாகிய நியாயபிரமானத்தை *முழுவதுமாய்* கடைபிடியுங்கள் என்று சிலுவைக்கு முன்னர் அவர் சொன்னதை – நம் மக்கள் *பழையதையும் புதியதையும்* சேர்த்து தங்களுக்கு லாபமாக மாற்றி தசமபாகம் கொடுங்கள் + கிறிஸ்தவனாகவும் நடந்து கொள்ளுங்கள் என்கின்றனர்.

புதியதோடு பழையதை இணைக்க முடியாது என்று கிறிஸ்து சொன்னார் (லூக்கா 5:36)

நியாயபிரமானத்தில் ஒன்று மீறினாலும் அவன் சபிக்கபட்டவன் என்பதை மறந்து போக வேண்டாம் (கலா. 3:10)

நாம் புதிய நியமனத்திற்கானவர்கள் – காணிக்கையை நிர்பந்தமாக அல்ல மனப்பூர்வமாய் கொடுக்க வேண்டும்.

*புதிய ஏற்பாட்டில் கொடுக்கப்படவேண்டிய காணிக்கை முறை*:

-    திட்டம் பண்ணி / சேர்த்து வைத்து கொடுக்க வேண்டும் 1கொரி. 16:1-2

-    தன் மனதில் நினைத்து வைத்தபடி கொடுக்க வேண்டும் 2கொரி. 9:7

-    மற்றவர் சொன்ன அளவின்படி கொடுக்க கூடாது 2கொரி. 9:7

-    வருத்தப்பட்டு காணிக்கை கொடுக்க கூடாது 2கொரி. 9:7, 1பேதுரு 4:9

-    இருப்பதில் இருந்து கொடுக்க வேண்டும், கடன் வாங்கி கொடுப்பதல்ல 2கொரி. 8:12

-    பலவீனரை தாங்கும்படி கொடுக்கவேண்டும் அப். 20:35

-    வஞ்சனையில்லாமல் கொடுக்கவேண்டும் ரோ. 12:8

-    பரிசுத்தவான்களின் குறைவுகளை நிவிர்த்தி செய்யும் படி உதவவேண்டும் ரோ. 12:13

-    எல்லோருக்கும் தெரியும்படி உதவிசெய்யகூடாது மத். 6:3

-    பரிபூரண சந்தோஷத்தோடு கொடுக்கவேண்டும் 2கொரி. 8:2

-    உற்சாகமாய் கொடுக்கவேண்டும் 2கொரி. 9:7

...இன்னும் பல சொல்லிக்கொண்டே போகலாம்..

1- யோவான் ஸ்நானகன் – 50சதவீதம் கொடுக்க சொன்னார் – லூக். 3:11

2- இயேசு 100சதவீதம் கொடுத்தவளை பாராட்டினார் – மாற்கு 12:43

10சதவீதம் கொடுக்கவேண்டும் என்பது பழைய கட்டளை. சரியாய் சொல்லவேண்டுமென்றால் – இஸ்ரவேலர்கள் ஆண்டிற்கு ஏறத்தாழ 33சதவீதம் கொடுத்தார்கள் !!

* தசமபாகம் என்கிற பெயரில் ஊழியர்கள் சபையாரிடம் கேட்ககூடாது – அது வேதாகம சட்டவிரோதம்.

* ஊழியரையும், ஊழியத்தையும் தாராளமாக தாங்கவேண்டியது – சபையாரின் கடமை.

* உதாரத்துவமாய், உற்சாகமாய், நிறைவாய் *சபையார் மாத்திரம் அல்ல ஊழியர்களும் காணிக்கையில் முன்மாதிரியாக* பங்கெடுக்க வேண்டும்.

சபையாரிடம் வாங்கி வாங்கி தன் சொந்த பைசாவை சேமிக்கக்கூடாது!!

*எடி ஜோயல் சில்ஸ்பி*
ஊழியர் - கணியாகுளம் கிறிஸ்துவின் சபை,
வேதாகம ஆசிரியர்
தொடர்பு : +91 81 44 77 6229
    
*Q&A Book ஆர்டர் செய்ய* :
https://kaniyakulamcoc.blogspot.com/2023/02/qr-code-link-for-q-book-payment.html

*Q&A Biblical வாட்ஸப்குழுவில் இணைய* க்ளிக் செய்யவும் :
https://chat.whatsapp.com/Lu8jhEd4Sag5XMhtNqGXi2

வலைதளம் :
http://www.kaniyakulamcoc.wordpress.com

YouTube “வேதம் அறிவோம்” :
https://www.youtube.com/joelsilsbee

*----*----*----*----*----*-----*