#322 - ஆராதனையில் இசைக்கருவி உபயோகப்படுத்தலாமா?

#322 - *ஆராதனையில் இசைக்கருவி உபயோகப்படுத்தலாமா?*

ஆராதனையில் எல்லோரும் சபைகள் ஆர்கன் கிட்டார் மற்றும் டிரம்ஸ் வைத்து அடி பாடிக்கொண்டிருக்க சில சபைகள் இசை கருவிகள்  உபயோகபடுத்தக் கூடாதென்றும் பாடும் போது கைகளை தட்ட கூடாதென்றும் சொல்கிறார்களே – வேத வசன ஆதாரங்களோடு விளக்கவும்.

*பதில்* : ஆராதனை கூடங்கள் தற்போது ஆடல் பாடல் (Pub) பப்புகளை போல மாறிவிட்டது வேதனைக்குறியது.

தாவீது டான்ஸ் ஆடினார் என்று ஆதாரத்திற்கு சொல்வார்கள் (2சாமு. 6:14)

உண்மை தான் – ஆனால் அவர் ஆடியது – ஆராதனையில் அல்ல.  

அவர் கிறிஸ்தவரும் அல்ல.

நாம் மோசேக்கு அல்ல கிறிஸ்துவுக்கு கீழ்படிந்தவர்கள்.

மோசேயின் கட்டளைபடியல்ல கிறிஸ்துவின் கட்டளைக்கு கீழ்படியவேண்டும்.

புதிய ஏற்பாட்டில் கீழ்கண்ட வசனங்கள் பாடலை/இசையை குறித்து இருக்கிறது:

1- மத். 26:30 அவர்கள் ஸ்தோத்திரப்பாட்டைப்பாடினபின்பு, ஒலிவமலைக்குப் புறப்பட்டுப்போனார்கள் (மாற்கு 14:26)

2- அப். 16:25 நடுராத்திரியிலே பவுலும் சீலாவும் ஜெபம்பண்ணி, தேவனைத் துதித்துப்பாடினார்கள்; காவலில் வைக்கப்பட்டவர்கள் அதைக் கேட்டுக்கொண்டிருந்தார்கள்

3- ரோ. 15:9 ... அந்தப்படி: இதினிமித்தம் நான் புறஜாதிகளுக்குள்ளே உம்மை அறிக்கைபண்ணி, உம்முடைய நாமத்தைச் சொல்லி, சங்கீதம் பாடுவேன் என்று எழுதியிருக்கிறது

4- 1கொரி. 14:15 இப்படியிருக்க, செய்யவேண்டுவதென்ன? நான் ஆவியோடும் விண்ணப்பம்பண்ணுவேன்; கருத்தோடும் விண்ணப்பம்பண்ணுவேன்; நான் ஆவியோடும் பாடுவேன், கருத்தோடும் பாடுவேன்.

5- எபே. 5:19 சங்கீதங்களினாலும் கீர்த்தனைகளினாலும் ஞானப்பாட்டுகளினாலும் ஒருவருக்கொருவர் புத்திசொல்லிக்கொண்டு, உங்கள் இருதயத்தில் கர்த்தரைப் பாடிக் கீர்த்தனம்பண்ணி,

6- கொலோ. 3:16 கிறிஸ்துவின் வசனம் உங்களுக்குள்ளே சகல ஞானத்தோடும் பரிபூரணமாக வாசமாயிருப்பதாக; சங்கீதங்களினாலும் கீர்த்தனைகளினாலும் ஞானப்பாட்டுகளினாலும் ஒருவருக்கொருவர் போதித்து புத்திசொல்லிக்கொண்டு, உங்கள் இருதயத்திலே கர்த்தரைப் பக்தியுடன் பாடி;

7- எபி. 2:12 உம்முடைய நாமத்தை என் சகோதரருக்கு அறிவித்து, சபை நடுவில் உம்மைத் துதித்துப்பாடுவேன் என்றும்;

8- யாக். 5:13 உங்களில் ஒருவன் துன்பப்பட்டால் ஜெபம்பண்ணக்கடவன்; ஒருவன் மகிழ்ச்சியாயிருந்தால் சங்கீதம் பாடக்கடவன்.

எந்த ஒரு இடத்திலேயும் எப்பொழுதும் எந்த சூழ்நிலையிலும் புதிய ஏற்பாட்டில் சீஷர்கள் / அப்போஸ்தலர்கள் / ஆதி கிறிஸ்தவர்கள் பாடல் சம்பந்தபட்ட எந்த வசனத்திலும் – வாயினால் பாடினார்களேயன்றி, கைகளை தட்டியோ, இசை கருவிகளை மீட்டியோ பாடவில்லை.

ஆகையால், அவருடைய நாமத்தைத் துதிக்கும் உதடுகளின் கனியாகிய ஸ்தோத்திரபலியை அவர்மூலமாய் எப்போதும் தேவனுக்குச் செலுத்தக்கடவோம். எபி. 13:15

இசைக்கருவியை உபயோகப்படுத்தினால் என்ன பிரச்சனை என்று கேட்டால் – தேவனுடைய எந்த செய்கையையும் எப்படி செய்யவேண்டும் என்று திட்டமும் தெளிவுமாக அவர் கொடுத்ததை நாம் மாற்ற எந்த அதிகாரமும் எவருக்கும் இல்லை.

நெருப்பு தானே தேவை – அது எங்கிருந்து வந்தால் என்ன என்று நினைத்தால் தன் உயிரையே இழந்தார்கள் நாதாபும் அபியுவும் (எண். 3:4)

முதல் முறை மலையை தடியால் அடிக்க சொன்னார் – அடுத்த முறை மலையை பார்த்து பேச வேண்டும் என்று தேவன் சொல்லியிருந்தும் பழக்க தோஷத்தில் ஜனங்கள் மீது இருந்த கோபத்தில் மோசே மலையை அடித்து விட்டார். தண்ணீர் வந்தது உண்மை தான் !! ஆனால் அவரோ வாக்குத்தத்தை இழந்து போனார் (1-யாத். 17:6, 2-எண். 20:8-13)

பயத்துடனே கர்த்தரைச் சேவியுங்கள், நடுக்கத்துடனே களிகூருங்கள். சங். 2:11

தேவன் பரிசுத்தவான்களுடைய ஆலோசனைச் சபையில் மிகவும் பயப்படத்தக்கவர், தம்மைச் சூழ்ந்திருக்கிற அனைவராலும் அஞ்சப்படத்தக்கவர். சங். 89:7

ஆதலால், அசைவில்லாத ராஜ்யத்தைப் பெறுகிறவர்களாகிய நாம் பயத்தோடும் பக்தியோடும் தேவனுக்குப் பிரியமாய் ஆராதனை செய்யும்படி கிருபையைப் பற்றிக்கொள்ளக்கடவோம்.

நம்முடைய தேவன் பட்சிக்கிற அக்கினியாயிருக்கிறாரே. எபி. 12:28-29

உமக்குப் பயப்படும் பயத்தால் என் உடம்பு சிலிர்க்கிறது; உமது நியாயத்தீர்ப்புகளுக்குப் பயப்படுகிறேன். சங். 119:120

பேசுகிறவருக்கு நீங்கள் செவிகொடுக்கமாட்டோமென்று விலகாதபடி எச்சரிக்கையாயிருங்கள்; ஏனெனில், பூமியிலே பேசினவருக்குச் செவிகொடுக்கமாட்டோமென்று விலகினவர்கள் தப்பிப்போகாமலிருக்க, பரலோகத்திலிருந்து பேசுகிறவரை நாம் விட்டுவிலகினால் எப்படித் தப்பிப்போவோம்? எபி. 12:25

*எடி ஜோயல் சில்ஸ்பி*
ஊழியர் - கணியாகுளம் கிறிஸ்துவின் சபை,
வேதாகம ஆசிரியர்
தொடர்பு : +918144776229
    
*கேள்வியும் அதற்கான வேதாக பதில்களும் பகிரப்படும் வாட்ஸப்குழுவில் இணைய* க்ளிக் செய்ய வேண்டிய லிங்க்:
https://chat.whatsapp.com/Lu8jhEd4Sag5XMhtNqGXi2