#323 - சாத்தான் எப்படி உருவானான்?

#323 - *சாத்தான் எப்படி உருவானான்?* வேதத்தின்படி விளக்கம் தரவும்.

*பதில்* :

சாத்தானின் யதார்த்தத்தை நிரூபிக்க பைபிள் எந்த முயற்சியும் விரயம் செய்யவில்லை.

அதே வேளையில் – சாத்தான் உண்டு என்பதை வேதம் நிச்சயமாக தெளிவு படுத்துகிறது.

மேலும் சாத்தானின் ஆரம்பத்தை அல்லது தோற்றம் குறித்து  வேதம் திட்டமாக குறிப்பிடவில்லை.

இருப்பினும், இந்த மர்மத்தை வெளிச்சம் போட்டுக்காட்டகூடிய சில வசனங்கள் / சம்பவங்கள் வேதத்தில் உள்ளன.

கிறிஸ்துவின் மூலம் சகலவற்றையும் தேவன் உருவாக்கினார் (கொலோ. 1:16)

தேவன் உருவாக்கிய / சிருஷ்டித்த *யாவும் மிகவும் நல்லது* என்று கண்டார் (ஆதி. 1:31)

தேவன் தங்களுக்கு ஏற்படுத்தி வைத்த மேன்மையான இடத்தில் இருக்க பொறுக்காமல் சில தூதர்கள் தேவனுக்கு எதிராக முரண்டுபிடித்தனர் (யூதா 6)

தனக்கு எதிரானவர்கள் தூதராயினும் அவர்களை தேவன் தப்பவிடவில்லை (2பேதுரு 2:4)

பெருமை வந்தது – ஆக்கினையும் வந்தது (1தீமோ. 3:6)

அந்த நேரத்தில் நடந்த யுத்தத்தை காட்சியாக வெளிபடுத்தல் புஸ்தகத்தில் காணமுடிகிறது (வெளி. 12:7-9)

தேவனுக்கு எதிராக அனைவரையும் தன் பக்கம் இழுத்து அடிமையாக்கி கொள்ள வேண்டும் என்பதில் அவன் முதல் தம்பதியினரை தன் வழிக்கு இழுத்து சாதித்துக்கொண்டான் (ஆதி. 3:1-9)

ஆகவே தான் இயேசு கிறிஸ்து சொன்னார் – அவன் ஆதியிலிருந்தே பொய் பேசுகிறவனும் கொலைகாரனும் என்று.. (யோ. 8:44)

சகோதரர்களை குற்றம் சாட்டுபவன் (வெளி. 12:10)

ஆதியாகமம் 3ல், சர்ப்பம் என்று நாம் காண்பவன், சாத்தான் என்று அடையாளப்படுத்தப்படுகிறான் (வெளி. 12:9)

*இரண்டு வாக்கியங்கள் நமக்கு பிசாசின் துவக்கத்தை சுமாராக காண்பிக்கிறது*.

*முதலாவது*-

ஏசாயா 14: 12-17. லூசிஃபர் என்று அழைக்கப்படும் சாத்தான் ஒரு காலத்தில் பரலோகத்தில் ஒரு தூதனாக இருந்தான் என்பதை அறிகிறோம்.

அவன் கடவுளுக்கு எதிராக புறப்பட நினைத்தபோது (யூதா 1: 6) கீழே தள்ளப்பட்டான் என்று பார்க்கிறோம்.

*இரண்டாவது*

எசேக்கியேல் 28: 13-18 இங்கே சாத்தான் ஒரு கேருப் (அழகிய தூதன்) / ஒரு பாதுகாவலன் / அல்லது போர்வீரன் என்று குறிப்பிடப்படுகிறான்.

தன் அழகின் நிமித்தம் / பெருமையின் நிமித்தம் அவன் வீணாக போனான் என்பதை 17 வது வசனம் குறிக்கிறது.

அவனுக்கு சபைகள் உண்டு (வெளி. 2:9)

அவனுக்கென்று கோட்பாடுகள் உண்டு (வெளி. 2:24)

அவனுடைய ஆவிக்குரிய பிள்ளைகளும் உண்டு (யோ. 8:44)

அவனுடைய ஆவிக்குரிய இராஜ்ஜியமும் உண்டு (கொலோ. 1:13)

*எடி ஜோயல் சில்ஸ்பி*
ஊழியர் - கணியாகுளம் கிறிஸ்துவின் சபை,
வேதாகம ஆசிரியர்
தொடர்பு : +91 81 44 77 6229
    
*Q&A Book ஆர்டர் செய்ய* :
https://kaniyakulamcoc.blogspot.com/2023/02/qr-code-link-for-q-book-payment.html

*Q&A Biblical வாட்ஸப்குழுவில் இணைய* க்ளிக் செய்யவும் :
https://chat.whatsapp.com/Lu8jhEd4Sag5XMhtNqGXi2

வலைதளம் :
http://www.kaniyakulamcoc.wordpress.com

YouTube “வேதம் அறிவோம்” :
https://www.youtube.com/joelsilsbee

*----*----*----*----*----*-----*