#1176 - *யோவான் 20:22ல் பரிசுத்த ஆவியை ஊதி பெற்று கொள்ளுங்கள் என்று சொன்ன இயேசு பின்பு அப். 1:5,8ல் காத்திருங்கள் என்று ஏன் சொன்னார்?* யோவான் 20:22ன் விளக்கம் என்ன?
*பதில்* : பரிசுத்த ஆவியின் வருகையின் அடையாளமாக, யோவான் 20:21-22 இல் இயேசு அவர்கள் மீது ஊதுகிறார் அல்லது சரியாகச் சொல்லவேண்டுமெனில் சுவாசிக்கிறார். "ஆவி" என்ற வார்த்தையின் அர்த்தம் மூச்சு அல்லது காற்று (அப். 2:2; pno-ay' என்ற கிரேக்க வார்த்தை இங்கு பயன்படுத்தப்பட்டுள்ளது. அதற்கு respiration, breeze, breath அல்லது wind என்று பொருள் அதாவது சுவாசம், காற்று, அல்லது மூச்சுக்காற்று)
யோவான் 20:21-22ல் நடக்கும் இந்த சம்பவத்திற்கு முன்னர், யோவான் 16:7ல், இயேசு, தான் பரலோகத்திற்குத் திரும்பிய பிறகு பரிசுத்த ஆவியை அனுப்புவதாக ஏற்கனவே கூறியிருந்தார்.
மேலும், அப்போஸ்தலர் 2 மற்றும் 10ம் அதிகாரங்களில் பரிசுத்த ஆவியை பெற்ற பின்னர் உடனடியாக வேற்று மொழிகளில் பேசிய சம்பவம் போல யோவான் 20:21-22ன் சூழ்நிலையில் எதுவும் நடைபெறவில்லை என்பதை கவனிக்கவேண்டும்.
சில வேத அறிஞர்கள், சீஷர்கள் மீதான இந்த "சுவாசம்" அந்த நேரத்தில் பரிசுத்த ஆவி பெறுதலைக் குறிக்கிறது என்று வாதிட்டாலும், இந்த பார்வை முழு அளவிலான புதிய ஏற்பாட்டு சான்றுகளுடன் பொருந்தவில்லை.
கர்த்தரின் இந்த "ஊதுதல் அல்லது சுவாசம்" என்ற செயல், பெந்தெகொஸ்தே நாளில் அப்போஸ்தலர்களுக்கு அளிக்கப்படும் வல்லமைக்கு அடையாள காட்சியாக இருந்தது (symbolical) என்ற பார்வை உள்ளது.
அடுத்த வசனமாகிய யோவான் 20:23ம் வசனத்தில் அப்போஸ்தலர்கள் "பாவ மன்னிப்பை" அறிவிக்கும் விஷயத்தைப் பற்றி பார்க்கமுடிகிறது. எனவே, இது “பரிசுத்த ஆவியைப் பெற்றுக்கொள்ளுங்கள்” என்ற தேவனின் தூண்டுதலை மட்டுமே இருப்பதாக காண்கிறோம்.
கிறிஸ்துவின் சீடர்களால் பரிசுத்த ஆவியானவரைப் பற்றிய மற்ற பாராட்டுத் தகவல்களிலிருந்து இந்த சம்பவத்தை தனிமைப்படுத்த முடியாது. கருத்தில் கொள்ள வேண்டிய சில முக்கியமான விஷயங்கள் இங்கே உள்ளன.
பரிசுத்த ஆவியின் பிரசன்னம் இங்கு "பாவ மன்னிப்பு" (வ23) தொடர்பான அப்போஸ்தலிக்க பிரகடனத்துடன் இணைக்கப்பட்டுள்ளது. ஆனால் இந்தச் சம்பவத்தைத் தொடர்ந்து பல வாரங்கள் வரை கிறிஸ்துவின் மரணம் மற்றும் உயிர்த்தெழுதலின் அடிப்படையில், மீட்பின் விடுதலைக்கான இந்த ஆணையம் அதன் முழுமையில் அறிவிக்கப்பட்டு பெந்தெகொஸ்தே நாள் வரை செயல்படுத்தப்படவில்லை; (அப்போஸ்தலர் 2:38).
பரிசுத்த ஆவியை ஊதி பெற்றுக்கொள்ளுங்கள் என்று 20ம் வசனத்திலும், அதனை தொடர்ந்து 23ம் வசனத்தில் “எவர்களுடைய பாவங்களை மன்னிக்கிறீர்களோ அவைகள் அவர்களுக்கு மன்னிக்கப்படும், எவர்களுடைய பாவங்களை மன்னியாதிருக்கிறீர்களோ அவைகள் அவர்களுக்கு மன்னிக்கப்படாதிருக்கும் என்ற கூற்றை கவனிக்கவும். யோவான் 20:22இல் உள்ளவை, அந்த உடனடி சந்தர்ப்பத்தில் பரிசுத்த ஆவியின் இயற்கைக்கு அப்பாற்பட்ட அதிகாரமளிக்கும் உண்மையான பெறுதலை உள்ளடக்கியதாக இல்லை. மாறாக, அந்தச் சூழல் கிட்டத்தட்ட ஐம்பது நாட்களுக்குப் பிறகு (அப். 2ம் அதிகாரம்) நிறைவேற்றப்படும் வாக்குறுதியின் முன்னறிவிப்பு மட்டுமே என்பது தெளிவாகிறது.
மேலும், ஏழு வாரங்களின் பண்டிகை (யாத். 34:22) அல்லது 50ம் நாளில் கடைபிடிக்கும் பண்டிகையென்னும் (லேவி. 23:16) யூதர்கள் பண்டிகையான பெந்தெகொஸ்தே பண்டிகையன்று (பெந்தெகோஸ்தே என்பது ஒரு சபை அல்ல அந்த கிரேக்க வார்த்தைக்கு 50வது நாள் என்றர்த்தம்) பரிசுத்த ஆவியானவரின் வருகையால் சபை என்னும் ராஜ்யம் ஸ்தாபிக்கப்படுகிறது.
முதல் பஸ்கா மற்றும் எகிப்திலிருந்து இஸ்ரேல் வெளியேறிய 50 நாட்களுக்குப் பிறகு சீனாய் மலையில் இஸ்ரவேலுக்கு நியாயபிரமாணச் சட்டம் வழங்கப்பட்டது போல், கிறிஸ்து பலியாகிய 50 நாட்களுக்குப் பிறகு, விசுவாசிகளின் இதயங்களில் கிறிஸ்துவினுடைய தனது சபை மூலம் தேவச்சட்டம் எழுதப்பட்டுள்ளது.
எனவே, யோவான் 20ன் நிகழ்வுகளை எவ்வாறு நாம் புரிந்துக்கொள்வது? வரவிருக்கும் ஆவியானவரைக் குறித்து எல்லா நிகழ்தகவுகளிலும் (also in probabilities), இயேசு தனது சீஷர்களுக்கு ஆவியானவரைப் பற்றிய அடையாளமான மற்றும் மறக்கமுடியாத அறிமுகத்தைக் கொடுத்தார். ஆகவே, பரிசுத்த ஆவியானவர் அப்போஸ்தலர்களுக்கு கொடுக்கப்பட்டதென்பது, கிறிஸ்து இயேசுவானவர் பிதாவிடம் திரும்பிய பிறகு 50ம் நாளன்று (அப். 2:3-4) என்பது தெளிவாகிறது.
*எடி ஜோயல் சில்ஸ்பி*
ஊழியர் - கணியாகுளம் கிறிஸ்துவின் சபை,
வேதாகம ஆசிரியர்
தொடர்பு : +91 81 44 77 6229
*Q&A Book ஆர்டர் செய்ய* :
https://kaniyakulamcoc.blogspot.com/2023/02/qr-code-link-for-q-book-payment.html
*Q&A Biblical வாட்ஸப்குழுவில் இணைய* க்ளிக் செய்யவும் :
https://chat.whatsapp.com/IKjkZaamKt43Fj6eYdo10Y
வலைதளம் :
http://www.kaniyakulamcoc.wordpress.com
YouTube “வேதம் அறிவோம்” :
https://www.youtube.com/joelsilsbee
*----*----*----*----*----*-----*
கருத்துகள் இல்லை:
கருத்துரையிடுக