#349 - *சபை என்றால் என்ன?* கிறிஸ்துவின் சபை விளக்கம் தாருங்கள்.
*பதில்* :
கிறிஸ்துவின் சபையை பற்றி அறியவேண்டிய ஒரே இடம் புதிய ஏற்பாடு.
சபையானது தேவனுடைய நித்திய நோக்கம் என்று விவரிக்கப்படுவதை நாம் அறியவேண்டும் (எபே. 3: 9-11).
இந்த காலத்தில் கட்டாயம் ஒவ்வொருவரும் கேட்கவேண்டிய ஒரு முக்கியமான கேள்வி.
தேவனுடைய திட்டத்தின் படி *சபை என்றால் என்ன*, சபை என்னவாக இருக்க வேண்டும் என்பதை புதிய ஏற்பாடு நமக்குக் கற்பிக்கிறது.
*முதலாவதாக*,
சபை கிறிஸ்துவால் கட்டப்பட்டு வாங்கப்பட்டது (மத். 16:18; அப்போஸ்தலர் 20:28).
தேவனால் அங்கீகரிக்கப்பட்டது என்று தங்களுக்கு தாங்களே ஒரு நிறுவனத்தை (சபை அல்லது ஊழியம் என்ற பெயரில்) தொடங்க யாருக்கும் உரிமை இல்லை (1 கொரி. 1: 10-13).
தேவனுடைய குமாரனாகிய கிறிஸ்து மட்டுமே தகுதியானவர், அவர் தம்முடைய சபையை நிறுவினார் (எபே. 4: 4; 1: 22-23).
கொரிந்திய சபைக்குள் கொள்கை பிளவு ஏற்பட்டபோது, பவுல் சில கேள்விகளைக் கேட்டார்.
“கிறிஸ்து பிரிந்திருக்கிறாரா? பவுல் உங்களுக்காக சிலுவையில் அறையப்பட்டாரா? அல்லது பவுலின் பெயரால் நீங்கள் ஞானஸ்நானம் பெற்றீர்களா?” என்று (1 கொரி. 1:13).
கிறிஸ்துவின் நற்செய்தி சத்தியங்களின் அடிப்படையில் சபை கிறிஸ்துவுக்கே சொந்தமானது.
அதற்காக அவர் மரித்தார். அவர் அந்த சபையை கட்டினார்.
நாம் அவருக்கு சொந்தமானவர்கள்.
சபை கிறிஸ்துவுக்கு சொந்தமானது.
அவரே சபைக்கு தலைவர் (கொலோ. 1:18).
*இரண்டாவதாக*,
அப்போஸ்தலர் 2-ல் பதிவு செய்யப்பட்டுள்ளபடி பெந்தெகொஸ்தே நாளில் எருசலேமில் கிறிஸ்துவுக்குச் சொந்தமான சபை தொடங்கியது.
ரோம், சூரிச், லண்டன், இலங்கை, இந்தியா போன்ற இடங்களில் அல்லது வேறு எந்த இடத்திலும் தோன்றிய அல்லது உருபெற்றவை வேதத்தின் படி அங்கீகரிக்கப்படமாட்டாது. அது அவரவர் சொந்தமாக நிறுவிக்கொண்டவை. அவர்கள் அதற்கு Founder என்று போட்டுக்கொள்வதை காணமுடியும்.
பழைய ஏற்பாட்டு தீர்க்கதரிசனத்திற்கு ஒத்த எருசலேமில் அப்போஸ்தலர்களின் பிரசங்கத்தின் மூலம் கர்த்தருடைய சபை கிறிஸ்துவால் நிறுவப்பட்டது (ஏசா. 2: 2-4).
பவுல் மற்றும் பிறரால் நற்செய்தி பிரசங்கிக்கப்பட்டபோது, உலகம் முழுவதும் அவரவர்கள் தங்கள் தங்கள் இஷ்டத்திற்கு பெயரை வைத்து சபைகளை துவங்காமல் – அந்தந்த ஊர் பெயரிலேயே நடந்தது.
எருசலேமில் முதன்முறையாக பிரசங்கிக்கப்பட்டதைப் போலவே - கிறிஸ்துவின் நற்செய்தி கற்பிக்கப்பட்ட இடங்களிளெல்லாம், வெறுமனே கிறிஸ்துவுக்கு சொந்தமான கிறிஸ்தவர்கள் - கூட்டாக கிறிஸ்துவின் சபையார் என்றே அழைக்கப்பட்டார்கள்.
சுவிசேஷத்திற்குக் கீழ்ப்படிகிறவர்கள் கர்த்தருடைய திருச்சபையின் ஒரு அங்கமாக இருக்கிறார்கள்.
*மூன்றாவதாக*,
தேவனால் நியமிக்கப்பட்ட பெயர்கள் மட்டுமே சபைக்கு பெயராக இருந்தது.
கிறிஸ்துவின் திருச்சபை (ரோமர் 16:16) மற்றும் தேவனுடைய திருச்சபை (1 கொரி. 1: 2) போன்ற பெயர்கள் தேவாலயத்தை கிறிஸ்துவுக்கும் தேவனுக்கும் சொந்தமானது என்று விவரிக்கும் வேத பெயர்கள்.
"கிறிஸ்துவின் சபை" என்பது மனிதர்களால் நிறுவப்பட்ட ஒரு மத நிறுவனத்தை விவரிக்கும் ஒரு மத பெயர் பலகை அல்ல.
*நான்காவதாக*,
இரட்சிக்கப்படும் போது ஒருவர் கர்த்தருடைய சபையில் அங்கத்தினர் ஆவதிற்கான வழி (அப்போஸ்தலர் 2:47).
தேவனுடைய குமாரனாக இயேசுவை விசுவாசிக்க வேண்டும் (யோ. 20: 30-31; 8:24), பாவத்திலிருந்து மனந்திரும்புதல் (அப்போஸ்தலர் 17:30), இயேசு தான் ஆண்டவர் என்று ஒப்புக்கொண்டு, தேவன் அவரை மரணத்திலிருந்து எழுப்பினார் என்று விசுவாசித்து (ரோமர் 10: 9,10), பாவ மன்னிப்புக்காக ஞானஸ்நானம் பெறும் போது இரட்சிக்கப்படுகிறார்கள் (அப்போஸ்தலர் 2:38; 22:16).
*இரட்சிக்கப்பட்டு ஞானஸ்நானம் எடுக்கும் முறை வேதத்தில் இல்லை* – ஞானஸ்நானம் எடுத்து இரட்சிக்கப்படுவதே வேதத்தில் உள்ளது (மாற்கு 16:16)
புதிய ஏற்பாட்டில் உள்ள கர்த்தருடைய போதனையின் படி ஒருவர் இரட்சிக்கப்படுகையில், அவர் “கிறிஸ்துவுக்குள் ஞானஸ்நானம் பெறும்போது” (கலா. 3: 26-27), அவர் அந்த நேரத்திலிருந்து அவருடைய சபையில் உறுப்பினராக இருக்கிறார் (எபே. 5: 23). "இரட்சிக்கப்படுபவர்களை கர்த்தர் நாளுக்கு நாள் சபையில் சேர்த்துக் கொண்டார்" (அப்போஸ்தலர் 2:47).
*ஐந்தாவது*,
கர்த்தருடைய சபையானது கிறிஸ்துவின் அதிகாரத்தை அறிந்து “... அவர்கள் தங்களை அப்போஸ்தலர்களின் போதனைக்கும் அந்நியோந்யத்திற்கும், அப்பம் பிட்குதலுக்கும் ஜெபங்களுக்கும் தங்களை அர்ப்பணித்தார்கள்” (அப்போஸ்தலர் 2:42).
"கிறிஸ்து", திருச்சபையின் தலைவராக இருந்தால், நம்முடைய சொந்த வழிபாட்டு பாணியையோ அல்லது தலைமைத்துவ விருப்பங்களையோ செயல்படுத்த முடியாது.
கிறிஸ்து தன் சபைகளுக்குள் என்ன நடக்கிறது என்பதை நினைவில் கொள்கிறார்.
அவர் அவர்களை ஒழுங்குபடுத்துவார், அவர்கள் வேதப்பூர்வமற்ற நடைமுறைகளில் தொடர்ந்தால் அவர்களை விசுவாச துரோகியாகக் கருதுகிறார் (வெளி. 2: 5; 2யோ. 9).
கர்த்தருடைய அப்போஸ்தலர்களின் தலைமையில் சபை என்ன என்பதை புதிய ஏற்பாடு தெளிவுபடுத்துகிறது.
சபையின் தோற்றம் தேவனுடையது; அது கிறிஸ்துவின் அதிகாரத்திற்கு உட்பட்டது.
*நீங்கள் எங்கு, எப்படி தேவனை ஆராதிக்கிறீர்கள்*?
இரட்சிக்கப்பட்டு ஞானஸ்நானம் எடுத்தீர்களா அல்லது ஞானஸ்நானம் பெற்று இரட்சிக்கப்பட்டீர்களா?
பாவமன்னிப்புக்கென்று ஞானஸ்நானம் பெற்றீர்களா? அல்லது உணராமல் எடுத்தீர்களா?
தேவனை உங்கள் உள்ளுணர்வுடனும், உயிருள்ளவர்களுடனும் பாடித் துதிக்கிறீர்களா? அல்லது, உயிரற்றவைகளுடைய உதவியை நாடி துதிக்கிறீர்களா? கொலோ.3:16-17
*எடி ஜோயல் சில்ஸ்பி*
ஊழியர் - கணியாகுளம் கிறிஸ்துவின் சபை,
வேதாகம ஆசிரியர்
தொடர்பு : +91 81 44 77 6229
*Q&A Biblical வாட்ஸப்குழுவில் இணைய* க்ளிக் செய்யவும் :
https://chat.whatsapp.com/DdQM79dFf5v6GQMRfbDc2H
*Q&A Book ஆர்டர் செய்ய* :
kaniyakulamcoc.blogspot.com/2023/02/qr-code-link-for-q-book-payment.html
வலைதளம் :
kaniyakulamcoc.wordpress.com
YouTube “வேதம் அறிவோம்” :
https://www.youtube.com/joelsilsbee
*----*----*----*----*----*-----*
கருத்துகள் இல்லை:
கருத்துரையிடுக