*பெற்றோரின் பொறுப்பு* - தினசரி சிந்தனைக்கான வேத துளி, 27 July
by : Eddy Joel Silsbee
கர்த்தராகிய இயேசு கிறிஸ்துவின் நாமத்தில் வாழ்த்துக்கள்.
சொந்த முயற்சியில் அல்ல எந்த குழந்தையையும் தேவனே இந்த உலகத்தில் அனுப்பினார் என்பதை மறந்து போகக்கூடாது. (சங். 127:3)
அவரிடமிருந்து பெற்றுக் கொண்ட பிள்ளையை,
அவர் பாதையிலே நடத்தி,
அவரிடமே திரும்ப செல்லும்படியாக,
பரிசுத்தமும், நேர்மையுமான வாழ்வை வாழ வழிவகுத்துக்கொடுக்க வேண்டியது பெற்றோரின் பொறுப்பு (உபா. 6:7)
கண்டிப்பான பெற்றோராக மாத்திரம் இருந்தால்;
அவ்வீடு ஒரு தொழிற்சாலையை போலவும்,
ஒழுக்கத்தை மாத்திரம் கற்றுக்கொடுத்தால் சிறைச்சாலை போலவும் அவ்வீடு இருக்கும் !!
நேரமாகிவிட்டதென்ற கோபத்துடன்,
நிம்மதியாய் உறங்கிக் கொண்டிருக்கும் பிள்ளையை காலையில் *துரிதமாய் எழுப்பிவிடுவது* அவர்களின் இருதயத்தை பாதிக்கிறது. நீதி 15:1, 30:33
நீண்ட நேரம் இரவில் விழித்திருப்பது சரீரத்திற்கு கேடு. யோ. 11:12
சுகமான நித்திரையை தேவனே தருகிறார். சங். 127:2, சங். 4:8
போதிய இரவு உறக்கம் இல்லாத பிள்ளைகள் தங்கள் பள்ளி மதிப்பெண்களில் கோட்டை விடுவார்கள் !! நாள்பட்ட இரவு கண்விழிப்பு அனைத்து வியாதியையும் பெற்றுத்தரும். நேரத்தோடு படுக்கைக்கு செல்வதும் நேரத்தோடு காலையில் எழுவதும் ஆரோக்கியம். போதுமான இளைப்பாறுதல் மிகவும் அவசியம். மாற்கு 6:31-32
சிட்சிக்க வேண்டியதும் அன்பு செலுத்துவதும் இரண்டுமே அவசியம். ஒன்றை மாத்திரம் பற்றிக்கொண்டால் இரண்டாவதிற்கு இடமிருக்காது. பிள்ளை நேர்த்தியாய் வளராது.
பிள்ளைகளை நல்ல நிலைமைக்கு கொண்டுவருவது பெற்றோர் பிள்ளைகளுக்கு செய்யும் *உபகாரம் அல்ல….. அது பெற்றோரின் கடமை*.
உங்கள் பிள்ளைகள் *திடனற்றுப்போகாதபடி*, அவர்களுக்குக் கோபமூட்டாதிருங்கள். கொலோ. 3:21, எபே. 6:4
பெற்றோருக்கு பிள்ளைகள் அல்ல; தகப்பனே பிள்ளைகளுக்கு சொத்து சேர்த்து கொடுக்க வேண்டும்! (2கொரி. 12:14) அப்படிப்பட்டவர்களை வேதம் நல்லவர்கள் என்கிறது. நீதி. 13:22, 19:14.
*எடி ஜோயல் சில்ஸ்பி*
கர்த்தருடைய ஊழியன்,
கிறிஸ்துவின் சபை, கணியாகுளம்
தொடர்பு : +91 8144 77 6229 / Tweet @joelsilsbee
*கேள்வியும் வேதாகம பதில்களும் Whatsapp (Locked) குழுவில் இணைய :
https://chat.whatsapp.com/EKPqmK9OPZuH4m7AihX443
வலைதளம் : www.kaniyakulamcoc.wordpress.com
இந்த பதிவின் வீடியோ வடிவம் YouTubeல் காண :
*Please Subscribe & Watch our YouTube Videos*
கருத்துகள் இல்லை:
கருத்துரையிடுக