#317 *கேள்வி* சர்ப்பமானது மோசேயினால் வனாந்தரத்திலே உயர்த்தப்பட்டதுபோல
மனுஷகுமாரனும் உயர்த்தப்படுவார் என்ற வசனத்தை விளக்கவும். யோவான் 3:14
*பதில்* :
மருந்து கடைகளில் (ஃபார்மஸி) இரண்டு பாம்புகளை வளைத்து படம்
போட்டிருப்பார்கள்... அது இந்த சம்பவத்தை முன்னிட்டு வந்தது தான்.
இந்த சம்பவம் இஸ்ரவேல் ஜனங்கள் வனாந்திரத்தில் பயணித்த போது
நடந்தது – கீழே அதை விவரிக்கிறேன்:
இஸ்ரவேலர்கள் ஏதோம் தேசத்தைச் சுற்றிப்போகும்படிக்கு, ஓர் என்னும் மலையைவிட்டு, சிவந்த சமுத்திரத்தின்
வழியாய்ப் பிரயாணம் பண்ணினார்கள்; வழியினிமித்தம் ஜனங்கள்
மனமடிவடைந்தார்கள்.
ஜனங்கள் தேவனுக்கும் மோசேக்கும் விரோதமாகப் பேசி: நாங்கள்
வனாந்தரத்திலே சாகும்படி நீங்கள் எங்களை எகிப்து தேசத்திலிருந்து வரப்பண்ணினதென்ன? இங்கே அப்பமும் இல்லை, தண்ணீரும் இல்லை; இந்த அற்பமான உணவு எங்கள் மனதுக்கு வெறுப்பாயிருக்கிறது என்றார்கள்.
அப்பொழுது கர்த்தர் கொள்ளிவாய்ச் சர்ப்பங்களை
ஜனங்களுக்குள்ளே அனுப்பினார்; அவைகள் ஜனங்களைக் கடித்ததினால்
இஸ்ரவேலருக்குள்ளே அநேக ஜனங்கள் செத்தார்கள்.
அதினால் ஜனங்கள் மோசேயினிடத்தில் போய்: நாங்கள் கர்த்தருக்கும்
உமக்கும் விரோதமாய்ப் பேசினதினால் பாவஞ்செய்தோம்; சர்ப்பங்கள்
எங்களைவிட்டு நீங்கும்படி கர்த்தரை நோக்கி விண்ணப்பம் பண்ணவேண்டும் என்றார்கள்;
மோசே ஜனங்களுக்காக விண்ணப்பம்பண்ணினான்.
அப்பொழுது கர்த்தர் மோசேயை நோக்கி: நீ ஒரு கொள்ளிவாய்ச்
சர்ப்பத்தின் உருவத்தைச் செய்து, அதை ஒரு கம்பத்தின்மேல் தூக்கிவை; கடிக்கப்பட்டவன் எவனோ அவன் அதை நோக்கிப்பார்த்தால் பிழைப்பான் என்றார். (எண்
21:4-8)
அது போல தேவனுக்கு விரோதமான காரியத்தை செய்ததினால் பாவம்
செய்த எவனும் சிலுவையில் உயர்த்தப்பட்ட கிறிஸ்துவை நோக்கி பார்க்கும் போது –
அதாவது அவர் வார்த்தைக்கு *கீழ்படியும் போது* தன் பாவத்தை போக்கி மன்னிப்பை
பெற்றுக்கொள்ள ஏதுவாகிறது என்று பொருள். கீழ்படிதல் என்பது அப். 22:16ல் விவரிக்கப்பட்டுள்ளது.
நீங்கள் கேட்ட யோ. 3:14ம் வசனத்தின் அர்த்தம் அடுத்த 15ம் வசனத்தில்
உள்ளது.
ஊழியர் - கணியாகுளம் கிறிஸ்துவின் சபை,
வேதாகம ஆசிரியர்
தொடர்பு : +91 81 44 77 6229
*Q&A Book ஆர்டர் செய்ய* :
https://kaniyakulamcoc.blogspot.com/2023/02/qr-code-link-for-q-book-payment.html
*Q&A Biblical வாட்ஸப்குழுவில் இணைய* க்ளிக் செய்யவும் :
https://chat.whatsapp.com/IKjkZaamKt43Fj6eYdo10Y
வலைதளம் :
http://www.kaniyakulamcoc.wordpress.com
YouTube “வேதம் அறிவோம்” :
https://www.youtube.com/joelsilsbee
*----*----*----*----*----*-----*
கருத்துகள் இல்லை:
கருத்துரையிடுக