*தனித்தனி கப்புகளில் கர்த்தரின் பந்தி பறிமாறப்படுகிறது* - தினசரி சிந்தனைக்கான வேத துளி, 15 July
by : Eddy Joel Silsbee
நமக்காய் இரத்தம் சிந்தி மரித்து அடக்கம் செய்யப்பட்டு உயிர்த்தெழுந்த இயேசு கிறிஸ்துவின் நாமத்தில் வாழ்த்துக்கள்.
லூக்கா 22:20ஐ கோடிட்டு போஜனம் பண்ணின பின்பு, அவர் அந்தப்படியே *பாத்திரத்தையும்* எடுத்து என்று போட்டிருக்கும்போது நீங்கள் ஏன் ஒரே பாத்திரத்தில் கொடுக்காமல் தனி தனி சிறிய கப்புகளில் கர்த்தருடைய பந்தி கொடுக்கிறீர்கள் என்றனர் சிலர்.
அப்படியென்றால் *அந்த* பாத்திரம் இப்பொழுது யார் கையில் இருக்கிறது என்றேன்?
கேட்டவர் தன் கொள்கையில் குழுப்பமடைந்து விட்டார். !!
இயேசு கிறிஸ்து தன் கையில் பிடித்துக் கொண்டிருந்த *பாத்திரத்தை குறித்து அல்ல அதனுள் இருப்பதை* தான் பாத்திரம் என்று சொல்கிறார் என்பதைப் புரிந்துக்கொள்ள வேண்டும்.
வசனத்தை முழுமையாகவும், முன்னும் பின்னும், மேலும் கீழும் படிக்காத காரணத்தால் கிறிஸ்தவ சபை என்ற பெயரில் அநேக சொந்தக் கம்பெனிகள் உருவாக்கப்பட்டு அதன் நிறுவனர்களும் தலைவர்களும் வெற்றிகரமாக பிசினஸ் நடத்திக் கொண்டிருக்கிறார்கள்.
வசனத்தை கவனிக்கவும்:
லூக்கா 22:20 போஜனம்பண்ணினபின்பு அவர் அந்தப்படியே பாத்திரத்தையும் கொடுத்து: *இந்தப் பாத்திரம் உங்களுக்காகச் சிந்தப்படுகிற என்னுடைய இரத்தத்தினாலாகிய* புதிய உடன்படிக்கையாயிருக்கிறது என்றார்.
பாத்திரம் என்பது,
கையில் பிடித்திருக்கும் பாத்திரத்தையல்ல… அதனுள் இருந்த திராட்சை இரசத்தையே (லூக்கா 22:18) குறிக்கிறது. ஆகவே, தனி கப்புகளில் கொடுப்பது தவறல்ல. ஆனால், புதிய திராட்சை இரசத்திற்க்குப் பதிலாக புளித்த திராட்சை இரசத்தையோ, திராட்சையல்லாமல், பெப்சி, மிரன்டா அல்லது வேறு எந்த பழ ஜூஸையும் பயன்படுத்துவது தவறு.
வேதத்தைப் படிக்கும் போது, சுய புரிதலை கொஞ்சம் தள்ளிவைத்து விட்டு, வசனப்பகுதியை யார் சொன்னது, யாருக்கு சொன்னது, எப்போது, எங்கே, ஏன் என்ற கேள்வியை எழுப்பி வேதத்தை தியானித்துப் பழகுவோம்.
வசனம் நம்மில் பூரணமாகவும் சரியாகவும் கிரியை செய்யும்.
*எடி ஜோயல் சில்ஸ்பி*
கர்த்தருடைய ஊழியன்,
கிறிஸ்துவின் சபை, கணியாகுளம்
ஆசிரியர், உலக வேதாகம பள்ளி,
தொடர்பு : +91 8144 77 6229 / Tweet @joelsilsbee
*கேள்வியும் வேதாகம பதில்களும் Whatsapp (Locked) குழுவில் இணைய :
https://chat.whatsapp.com/EKPqmK9OPZuH4m7AihX443
வலைதளம் : www.joelsilsbee.wordpress.com
இந்த பதிவின் வீடியோ வடிவம் YouTubeல் காண :
https://youtu.be/FUkJMFpxR94
*Please Subscribe & Watch our YouTube Videos*
கருத்துகள் இல்லை:
கருத்துரையிடுக