*தினசரி சிந்தனைக்கான வேத துளி*
by : Eddy Joel Silsbee
கன்னி மரியாளின் வயிற்றில் பிறந்த நம் இரட்சகர் இயேசு கிறிஸ்துவின் நாமத்தில் வாழ்த்துக்கள்.
கன்னி மரியாள் - சகல ஸ்திரீகளுக்குள்ளும் ஆசீர்வதிக்கபட்டவரும் தேவனுடைய கிருபையையும் பெற்றவர் - லூக் 1:28
விசுவாசமும் தேவ பக்தியும் கொண்டவர்.
சமுதாயத்திற்கு பயப்படாமல், தேவனுக்கு பயந்தவர். லூக்கா 1:38
நம் அனைவரின் பாவங்களையும் நீக்கும்படி இயேசு கிறிஸ்து, நம்மைப் போல சாதாரண மனிதராய் இந்த பூமிக்கு வருவதற்கு தன் கருவை தானமாய் தந்தவர். லூக்கா 1:34
எந்த ஸ்திரீயை காட்டிலும் மேன்மையானவர். லூக்கா 1:28
இத்தனை கிருபையும் தன்மையும் பெற்ற மரியாள், ஒரு போதும் தன்னை கடவுளாகவோ, இயேசு கிறிஸ்துவுக்கு ஆலோசகராகவோ, அல்லது அவரிடத்தில் வருபவர்களுக்குரிய தேவைகளை இயேசுவிற்கு சிபாரிசு செய்வதாகவோ ஒருவரிடமும் சொன்னதே இல்லை. வேதத்தில் அதற்கு துளியும் ஆதாரமும் இல்லை..
ஏதாவது செய்யலாமே என்று இயேசுவிடம் போய் தாயாகிய மரியாள் கேட்டபோது… தாய் என்று மறுமொழியாமல் - ஸ்திரீயே !! உனக்கும் எனக்கும் என்ன என்று வினவினார்? யோவான் 2:3
தன் பங்கை புரிந்துக்கொண்ட மரியாள், அங்குள்ள வேலைக்காரரிடம் ”இயேசு கிறிஸ்து சொல்வதை கேளுங்கள்” என்று தெளிவாய் சொன்னார். யோவான் 2:5
இயேசு கிறிஸ்து உபதேசிக்கும் நேரத்தில் ”வெளியே நின்று” மற்றவர்களோடு ஒருவராகவே இயேசுவின் வார்த்தைகளைக் கவனித்தவர். மத்தேயு 12:46
தான் கடந்து செல்லும் வேளை வந்தபோது, தன் தாயை கவனித்துக்கொள்ள ஒரு ஆள் அவசியம் என்பதை உணர்ந்து, இனிமேல் தன் தாயை கவனித்துக்கொள்ளும்படி யோவானிடம் அந்த பொறுப்பை இயேசு கிறிஸ்து ஒப்புகொடுத்தார். (யோ 19:26-27)
புனித தாய்;
பெண்களில் அவர் உன்னதமானவர்;
மேன்மையானவர்;
பெண்களில் சிறந்தவர்;
ஆசீர்வதிக்கப்பட்டவர்;
மரியாளைப் போற்றுகிறவர்கள்… மரியாளின் வார்த்தைக்கு கீழ்படியவேண்டும். தன்னை வணங்கும்படி அவர் சொல்லாமல், கிறிஸ்து சொல்வதின்படி செய்யுங்கள் என்றார்.. யோவான் 2:5
தேவனுடைய கிருபையை பூரணமாய் பெற்றுக்கொண்டு, ஆசீர்வதிக்கப்பட்டவரை எவரும் தவறாக புரிந்துக்கொள்ளக்கூடாது.
ஆகவே, எவருடைய விசுவாசமும், பிரயாசமும் வீணாகாதபடிக்கு *தேவனையே நோக்கி* மன்றாடுவோம். சிருஷ்டியை அல்ல !!
*Eddy Joel Silsbee*,
Preacher – The Churches of Christ
Teacher – World Bible School
+91 8144 77 6229 / joelsilsbee@gmail.com
* நீங்களும் கேள்வி & வேதாகம பதில் Whatsapp (Locked) இணைய : புதிய குழு - https://chat.whatsapp.com/FgzVvru1hol7mjPlXLY1Mr
கருத்துகள் இல்லை:
கருத்துரையிடுக