*தினசரி சிந்தனைக்கான வேத துளி*
by : Eddy Joel Silsbee
நம்மை பெலப்படுத்துகிற கிறிஸ்து தாமே நம்மை நினைத்தருள்வாராக.
பாவம் நிறைந்த பூமி
சூழ்ச்சி நிறைந்த ஜனம்
கபடு நிறைந்த சூழ்நிலை
வஞ்சகம் நிறைந்த சமுதாயம்
சொந்த கற்பனைக்கேற்ப, சிருஷ்டிகரையே நாளொன்றுக்கு உருவாக்குகிற உலகத்தார்,
மேட்டிமை நிறைந்த உலகம் என்று எப்பக்கத்திலும் இப்படிப்பட்ட மனப்பாண்மை இருக்கும் போது,
உலகத்திலே பரிசுத்தமும் பாவ நிவாரணமும் கிடைக்கத் தேட முடியுமா?
இரத்தம், இருதயம், லிவர், கிட்னி, கண் போன்ற எந்த உடல் உறுப்புகளையும் உலகத்தில் யாராலும் உற்பத்தி செய்ய இயலாதென்பதால் இந்த உலகத்தில் எவருமே *குறிப்பிட்ட விலையை* நிர்ணயம் செய்ய முடியாது. அவைகளை தானமாக / இலவசமாகத்தான் கொடுக்கமுடியும்.
இந்த உலகத்தில் வாழும் தன் ஆயுசு நாட்களுக்குப் பின்னர், பரலோகத்தில் நித்தியமாய் வாழும்படி தனக்கென்று ஓர் இடத்தை கொள்ளத்தக்கதாக எந்த மனிதனால் பரலோகத்திற்குள் போய் ஒரு இடத்தை தனக்கென்று உரிமைக் கொள்ளும்படியாக பணம் இருக்கும்?
இயேசு கிறிஸ்து பரலோகத்திலிருந்து வந்து இங்கே வந்து உலக மக்களுக்கு மீட்பையும் மீட்பின் பாதையையும் அளித்துப்போனார். 1யோ 4:2, 1பேது 3:21, யாக் 4:12, எபி 7:24
அவர் பிறந்ததையும், வளர்ந்ததையும், பிரசங்கித்ததையும், தன் வல்லமையையும், இயற்கைக்கு மேலே தனக்கு அதிகாரம் உண்டு என்று நிரூபித்ததையும், மரித்ததையும், மரணத்தையே ஜெயித்து அதே சரீரத்தில் உயிர்த்தெழுந்ததையும், அநேகருடைய கண்கள் காணும்படியாக பரலோகத்திற்கு ஏறிப்போனதும் – *கதையல்ல, சரித்திர நிகழ்வு* !!
மரணத்தை ஜெயித்து அநேகர் கண்கள் காணும்படியாக பரலோகம் சென்றவர்கள் இயேசு கிறிஸ்துவை தவிர வேறு எவருமே இல்லை.
அப்பேற்பட்ட இரட்சகராகிய இயேசு கிறிஸ்து,
பரலோக இரட்சிப்பை நாம் சுதந்தரிக்கும்படி, பூமியிலிருந்து எவரும் விலை செலுத்த முடியாதாகையால், தம்முடைய மகா கிருபையினால் – பிதாவாகிய கடவுள் நம்மனைவருக்கும் அந்த இரட்சிப்பை இலவசமாய் அருளினார். தீத்து 3:5, எபே 5:26, அப் 22:16
நீங்கள் விலை கொடுத்து வாங்க முயற்சிக்காமல் .... கடவுளுக்கு எதிரான தன் தவறுகளை உணர்ந்து, கடவுளின் வார்த்தைக்கு கீழ்ப்படிந்தே அதை பெற்றுக்கொள்ளமுடியும். 1பேது 1:2, 2தீமோ 1:9, ரோ 11:6
உங்களின் இன்றைய உத்திரவாதம் என்ன?
இன்றும் காலம் இருக்கிறது !!
காலம் தாழ்த்தவேண்டிய அவசியமில்லை..
*Eddy Joel Silsbee*,
Preacher – The Churches of Christ
Teacher – World Bible School
+91 8144 77 6229 / joelsilsbee@gmail.com
* நீங்களும் கேள்வி & வேதாகம பதில் Whatsapp (Locked) இணைய : https://chat.whatsapp.com/K6kFZVatgRW5HJAc6zH3Sg
** வீடியோ செய்திகளுக்கு YouTube Channel Subscribe பண்ணவும் : https://www.youtube.com/joelsilsbee
கருத்துகள் இல்லை:
கருத்துரையிடுக