*தினசரி சிந்தனைக்கான வேத துளி* 27 Sep 2020

 *தினசரி சிந்தனைக்கான வேத துளி*
by : Eddy Joel Silsbee

சகலத்தையும் நேர்த்தியாய் செய்யும் பிதாவாகிய தேவனுடைய குமாரன் இயேசு கிறிஸ்துவின் நாமத்தில் வாழ்த்துக்கள்.

தன்னுடைய முக அமைப்பையும், நிறத்தையும் மற்றவர்களோடு ஒப்பிட்டு பார்த்து தான்,
வெள்ளை என்றோ
கறுப்பு என்றோ,
இளஞ்சிவப்பு என்றோ
உருண்டை முகம் என்றோ
நீள முகம் என்றோ
சதுர முகம் என்றோ
தன் நிறத்தையும் முகவடிவத்தையும் குறித்து எந்த ஆண்களும் பெண்களும் வேதனையோ துக்கமோ வருத்தமோ படவேண்டியதில்லை. மாறாக நாமனைவரும் எப்படியிருக்கிறோமோ அதற்காய் மிகுந்த சந்தோஷப்படிவேண்டும்.

சர்வலோகத்திலும் பணக்காரரும் ஞானியுமாயிருக்கும்படி தேவனால் ஆசீர்வதிக்கப்பட்ட இஸ்ரவேலின் இராஜாவாகிய தாவீதின் குமாரன் சாலொமோன் ஞானி கறுப்பு நிறம் !! (உன்ன. 1:5-6)

தேவசமூகத்திலேயே போய், விசுவாசத்தை சோதித்து பார்க்கும்படி சாத்தான், தேவனிடம் உத்தரவு கேட்டுக்கொள்ளும் அளவிற்கு இருந்த யோபுவின் தோல் கறுப்பாக மாறினது !! யோபு 30:30

ஆசரிப்பு கூடாரத்தின் மகா பரிசுத்த ஸ்தலத்தினுள் வெளிச்சத்திற்கென்று எந்த விளக்கும் கொளுத்தப்படவில்லை !! யாத் 25, யாத் 30:1-10

கறுப்பாக இருந்த சாலொமோன் இராஜாவிற்கு - செல்வமும், ஆஸ்தியும், மரியாதையும், ஜனக்கூட்டமும் ராஜாங்கமும் – குறைவிலாமல் இருந்தது !!

மூக்கு, வாய், காது, கண், முக அழகு என்று எல்லாவற்றையும் –கவனித்து தன் இஷ்டப்படி நம்முடைய தேவன் தாமே நம் ஒவ்வொருவர் சரீரத்திலும் வைத்து இருக்கிறார். நாம் எப்படி இருக்கவேண்டும் என்பது அவருடைய பிரியம் !! கண்ணாடியில் நம் முகத்தைப் பார்க்கும் போது என் தேவன் என்னை அவர் பிரியப்பட்டு அமைத்திருக்கிறார் என்று கொடுக்கப்பட்ட நிறத்தையும் வடிவமைப்பையும் சுத்தமாகவும் மேன்மையாகவும் பாதுகாக்கவேண்டும். 1 கொரி 12:18, 1 கொரி 15:38, வெளி 4:11

அவர் பிரியப்பட்டு நமக்கு கொடுத்த வடிவை நாம் இன்னும் பிரியத்தோடு பேணிக்கொள்ளவேண்டும்.

இன்று கர்த்தருடைய நாள்.
பிதாவாகிய தேவனைத் தொழுது கொண்டு நமக்காய் மரித்து நம்மை பரலோகத்திற்கென்று மீட்டெடுத்ததை கிறிஸ்துவின் பந்தியில் கலந்து கொண்டு அவருடைய மரணத்தை நினைவுகூறும் நாள் !!

*Eddy Joel Silsbee*,
Preacher – The Churches of Christ
Teacher – World Bible School
+91 8144 77 6229 / joelsilsbee@gmail.com

* நீங்களும் கேள்வி & வேதாகம பதில் Whatsapp (Locked) இணைய : https://chat.whatsapp.com/K6kFZVatgRW5HJAc6zH3Sg

** வீடியோ செய்திகளுக்கு YouTube Channel Subscribe பண்ணவும் : https://www.youtube.com/joelsilsbee