#837 - *கானான் தேசத்தை பற்றி கூறுங்கள்?*
*பதில்*
"எண்ணமுடியாத வானத்தின் நட்சத்திரங்களின் திரளை போலவும், எண்ணமுடியாத கடல் கரை மணலைபோலவும்" ஆபிரகாமின் சந்ததியை பெருக்குவேன் என்று தேவன் ஆபிரகாமிற்கு வாக்குத்தத்தம் அளித்தார். ஆதி. 22:17
ஆபிரகாமின் வாழ்நாளில் இத்தகைய அற்புதமான எண்ணியல் விகிதாச்சாரத்தை எட்டுவது சாத்தியமற்றது என்பதால், இந்த வாக்குறுதியை அவருடைய சந்ததியினரில் மட்டுமே நிறைவேற்ற முடியும்.
இதன் விளைவாக அந்த வாக்குத்தத்தமானது ஈசாக்கிற்கும் யாக்கோபுக்கும் வழியாக சென்றது (ஆதி. 26:2-4; 28:3,4).
பஞ்ச காலத்தில் யாக்கோபும் அவனுடைய மகன்களும் எகிப்துக்குச் சென்றபோது, "எகிப்துக்குப் போக நீ பயப்பட வேண்டாம்; அங்கு உன்னை பெரிய ஜாதியாக்குவேன்" (ஆதி. 46:3) என்று தேவன் சொன்னார்.
அந்த தேசத்தில் "இஸ்ரவேல் புத்திரர் ஏராளமாக பலுகி, பெருகி, வலிமைமிக்கவர்களாக இருந்தார்கள்; தேசம் அவர்களால் நிறைந்திருந்தது" (யாத். 1:7).
ஆபிரகாமுக்கு தேவன் ஆணையிட்டு அருளின வாக்குத்தத்தம் நிறைவேறுங்காலம் சமீபித்தபோது, யோசேப்பை அறியாத வேறொரு ராஜா தோன்றின காலமளவும், ஜனங்கள் எகிப்திலே பலுகிப் பெருகினார்கள் என்று ஸ்தேவான் சொன்னார். அப். 7:17
"யோசேப்பின் பெயரை மறந்து போன அளவிற்கு காலங்கள் மாறின போது எகிப்தில் பார்வோனாக இருந்த ஒரு புதிய ராஜா (யாத். 1:8-11), இஸ்ரவேல் ஜனங்களை மிகுந்த துன்பத்திற்கு ஆளாக்கினார்.
தேவன் அவர்களுடைய கூக்குரலைக் கேட்டு "தமது வலிமையான கரத்தால் அவர்களை வெளியே கொண்டு வந்தார்" (அப். 13:17).
தேவன் அவர்களுடன் சீனாய் வனாந்திரத்தில் ஒரு உடன்படிக்கை செய்து, "நீங்கள் எனக்கு ஆசாரிய ராஜ்யமாகவும் பரிசுத்த ஜனமாயும் இருப்பீர்கள்" என்றார் (யாத். 19:6).
இந்த நேரத்தில் அவர்கள் ஏராளமான வானத்தின் நட்சத்திரங்களாக எண்ணிக்கையில் வளர்ந்திருந்தார்கள் (உபா. 1:10).
ஒரு பெரிய ஜனத்திரளின் (சந்ததி) வளர்ச்சி குறித்து ஆபிரகாமுக்கு தேவன் அளித்த வாக்குறுதி நிறைவேற்றப்பட்டது என்பது தெளிவாகிறது.
தேவன் இஸ்ரவேல் ஜனங்களிடம் சொன்னது:
"ஓரேபிலே நம்முடைய தேவனாகிய கர்த்தர் நம்மோடே சொன்னது என்னவென்றால்: நீங்கள் இந்த மலையருகே தங்கியிருந்தது போதும்.
நீங்கள் திரும்பிப் பிரயாணம் புறப்பட்டு, எமோரியரின் மலைநாட்டிற்கும், அதற்கு அடுத்த எல்லா சமனான வெளிகளிலும் குன்றுகளிலும் பள்ளத்தாக்குகளிலும், தென்திசையிலும் கடலோரத்திலும் இருக்கிற கானானியரின் தேசத்துக்கும், லீபனோனுக்கும், ஐப்பிராத்து நதி என்னும் பெரிய நதிவரைக்கும் போங்கள். இதோ, இந்த தேசத்தை உங்களுக்கு முன்பாக வைத்தேன்; நீங்கள் போய், கர்த்தர் உங்கள் பிதாக்களாகிய ஆபிரகாமுக்கும், ஈசாக்குக்கும், யாக்கோபுக்கும் அவர்களுக்குப் பின்வரும் அவர்கள் சந்ததிக்கும் ஆணையிட்டுக் கொடுத்த அந்த தேசத்தைச் சுதந்தரித்துக்கொள்ளுங்கள் என்றார்." (உபா. 1:6-8).
கானானின் எல்லையில் வரும்போது வாக்குறுதியளிக்கப்பட்ட நிலத்தைத் கவனிக்கும்படி பன்னிரண்டு வேவுக்காரர்கள் அனுப்பப்பட்டனர்.
அவர்கள் அனைவரும் அது நல்ல நிலம் என்று தெரிவித்தனர். ஆனால் பத்து பேர் நகரங்களின் வலிமையும், ராட்சதர்களின் அளவும் அதை எடுத்துக்கொள்ள இயலாது என்றும் கூறினர். எண். 13:30-33
இது இஸ்ரவேல் புத்திரரை சங்கடத்தில் ஆழ்த்தியது. அவர்கள் வேறொரு தலைவரை தேர்ந்தெடுத்து மறுபடியும் எகிப்துக்குத் திரும்ப அவர்கள் சதி செய்தனர். எண். 14:1-4
அவர்களுடைய இந்த விசுவாசமின்மையினால் அனுப்பப்பட்ட 12 வேவுகாரர்களில் தேவன் மீது நம்பிக்கை வைத்த காலேப்பையும் யோசுவாவையும், இருபது வயதுக்கு மேற்பட்ட அழைத்து வரப்பட்ட அந்த தலைமுறையினர் எவரும் தேசத்திற்குள் நுழையக்கூடாது என்று தேவன் முடிவு எடுக்கும் அளவிற்கு தள்ளப்பட்டனர். எண். 14:22-24
தேவனுடைய வழிகாட்டுதலின் கீழ், யோசுவா அந்த ஜனங்களை "பாலும் தேனும் பாயும் நிலத்திற்கு" அழைத்துச் சென்றார்.
இந்தப்பிரகாரமாகக் கர்த்தர் இஸ்ரவேலுக்குக் கொடுப்பேன் என்று அவர்களுடைய பிதாக்களுக்கு ஆணையிட்ட தேசத்தையெல்லாம் கொடுத்தார்; அவர்கள் அவைகளைச் சுதந்தரித்துக்கொண்டு, அவைகளிலே குடியிருந்தார்கள். கர்த்தர் அவர்களுடைய பிதாக்களுக்கு ஆணையிட்டபடியெல்லாம் அவர்களைச் சுற்றிலும் யுத்தமில்லாமல் இளைப்பாறப்பண்ணினார்; அவர்களுடைய எல்லாச் சத்துருக்களிலும் ஒருவரும் அவர்களுக்கு முன்பாக நிற்கவில்லை; அவர்கள் சத்துருக்களையெல்லாம் கர்த்தர் அவர்கள் கையில் ஒப்புக்கொடுத்தார். கர்த்தர் இஸ்ரவேல் குடும்பத்தாருக்குச் சொல்லியிருந்த நல்வார்த்தைகளிலெல்லாம் ஒரு வார்த்தையும் தவறிப்போகவில்லை; எல்லாம் நிறைவேறிற்று. "(யோசுவா 21: 43-45).
யோர்தானுக்கு கிழக்கே மூன்று, கானான் தேசத்தில் மூன்று என்று ஆறு நகரங்கள் அடைக்கல பட்டணமாக இருக்க வேண்டும் என்று தேவன் கட்டளையிட்டார். (எண். 35:9-14).
இஸ்ரவேல் புத்திரர் மோவாபின் சமவெளியில் முகாமிட்டபோது, மோசே அவர்களை நோக்கி: உமது தேவனாகிய கர்த்தர் ஜாதிகளைத் துண்டித்துவிட்டு, உம்முடைய தேவனாகிய கர்த்தர் உனக்குக் கொடுக்கும் தேசத்தை நீக்கிவிட்டு, நீ அவர்களை வெற்றிபெற்று, அவர்களுடைய நகரங்களில் குடியிருக்கிறாய் அவர்களுடைய வீடுகளில்; உமது தேசத்தின் நடுவே மூன்று நகரங்களை உனக்கு பிரிக்க வேண்டும், அதை உமது தேவனாகிய கர்த்தர் உனக்குக் கொடுக்கும்படி கொடுக்கிறார் "(உபாகமம் 19: 1,2). அடுத்தடுத்த வசனங்கள் இவை அடைக்கலமான நகரங்கள் என்பதைக் காட்டுகின்றன. பின்னர் நாம் இவ்வாறு வாசிக்கிறோம்: "இதினிமித்தம் மூன்று பட்டணங்களை உனக்காகப் பிரித்துவைக்கக்கடவாய் என்று நான் உனக்குக் கட்டளையிடுகிறேன். நீ உன் தேவனாகிய கர்த்தரிடத்தில் அன்புகூர்ந்து, எந்நாளும் அவர் வழிகளில் நடப்பதற்காக, இன்று நான் உனக்குக் கற்பிக்கிற இந்த எல்லாக் கற்பனைகளையும் கைக்கொண்டு அதின்படி செய்து, உன் தேவனாகிய கர்த்தர் உன் பிதாக்களுக்கு ஆணையிட்டபடியே, அவர் உன் எல்லையை விஸ்தாரமாக்கி, உன் பிதாக்களுக்குக் கொடுப்பேன் என்று சொன்ன தேசம் முழுவதையும் உனக்குக் கொடுத்தால், அப்பொழுது உன் தேவனாகிய கர்த்தர் உனக்குச் சுதந்தரமாகக் கொடுக்கும் உன் தேசத்தில் குற்றமில்லாத இரத்தம் சிந்தப்படுதிறதினால் உன்மேல் இரத்தப்பழி சுமராதபடிக்கு, இந்த மூன்று பட்டணங்களும் அல்லாமல் இன்னும் மூன்று பட்டணங்களை ஏற்படுத்தக்கடவாய்."(உபாகமம் 19: 7-9).
பன்னிரண்டு கோத்திரத்தாரும் அவர்களது குடும்பங்களிடையே நிறைவாக பிரிக்கப்பட்டது – எண். 26:55-56; எண். 33:54; எண். 34:13
ஒவ்வொரு கோத்திரத்திலிருந்தும் யோசுவா, எலியேசர் மற்றும் ஒரு பிரதிநிதியோரால் பிரிக்கப்பட்டது – எண். 34:16-29; எண். 35:1-8; யோசு. 14-19
சாலமோன் பன்னிரண்டு மாகாணங்களாகப் அதை பிரித்தார் - 1 இரா. 4:7-19
யூதா மற்றும் இஸ்ரேல் என இரு ராஜ்யங்களாகப் பிற்காலங்களில் பிரிக்கப்பட்டது - 1 இரா. 11:29-36; 1 இரா. 12:16-21
ரோமானியர் பிற்காலங்களில் இதை ஆண்டார்கள் – லூக். 3:1; யோ. 4:3-4
கானான் தேசம் அழைக்கப்பட்ட விதங்கள்:
சுதந்திரத்தின் பர்வதம் – யாத். 15:17
பாலஸ்தீனம் என்று அழைக்கப்பட்டது – யாத். 15:14
இஸ்ரவேலரின் நிலம் - 1 சாமு. 13:19
எபிரேயர்களின் நிலம் – ஆதி. 40:15
யூதர்களின் நிலம் – அப். 10:39
வாக்குறுதியின் நிலம் – எபி. 11:9
பரிசுத்த நிலம் – சகரியா 2:12
கர்த்தருடைய தேசம் – ஓசியா 9:3
இம்மானுவேலின் நிலம் – ஏசா. 8:8
ஹெப்சிபா என்றும் பியூலா என்றும் அழைக்கப்பட்டது – ஏசா. 62:4
ஆபிரகாமுக்கும் அவருடைய சந்ததியினருக்கும் வாக்குறுதியான தேசம் - ஆதி. 12:1-7; ஆதி. 13:14-17; 15:18-21; 17:8; உபா. 12:9-10; சங். 105:11
ஈசாக்கிற்கு இந்த வாக்குறுதி புதுப்பிக்கப்பட்டது – ஆதி. 26:3
வாக்குறுதியின்படி கொடுக்கப்பட்ட தேசம் – ஆதி. 15:18; யாத். 23:31; உபா. 11:24; யோசு. 1:4; 15:1
கானான் தேசத்தின் செழிப்பு – உபா. 8:7-9; 11:10-13
தேசத்தின் பலன் – எண். 13:27; எண். 14:7-8; எரே. 2:7; 32:22
தேசத்தின் கனிகள் – உபா. 8:8; எரே. 40:10; எரே. 40:12
கனிம வளங்கள் – உபா. 8:9
ஏற்றுமதி – எசே. 27:17
பஞ்சம் வந்த காலங்கள் – ஆதி. 12:10; 26:1; 47:13; ரூத் 1:1; 2சாமு. 21:1; 1இரா. 17
ஊழியர் - கணியாகுளம் கிறிஸ்துவின் சபை,
வேதாகம ஆசிரியர்
தொடர்பு : +91 81 44 77 6229
*Q&A Biblical வாட்ஸப்குழுவில் இணைய* க்ளிக் செய்யவும் :
https://chat.whatsapp.com/DdQM79dFf5v6GQMRfbDc2H
*Q&A Book ஆர்டர் செய்ய* :
https://kaniyakulamcoc.blogspot.com/2023/02/qr-code-link-for-q-book-payment.html
வலைதளம் :
http://www.kaniyakulamcoc.wordpress.com
YouTube “வேதம் அறிவோம்” :
https://www.youtube.com/joelsilsbee
*----*----*----*----*----*-----*
கருத்துகள் இல்லை:
கருத்துரையிடுக