👉🏿 காங்கிரஸ் கூட்டணி கட்சிகள் தோல்வியுற காரணம் யார்?

(வேறொரு தளத்தில் வந்த படித்து அறிந்து கொள்ள வேண்டிய பதிவு):

👉🏿 காங்கிரஸ் கூட்டணி கட்சிகள் தோல்வியுற காரணம் யார்?

✍ பி.ஜே.பி கூட்டணியை ஜெயிக்கவைத்த கர்த்தர்தான்! வேறு யார் காரணம்?

 பி.ஜே.பி. கூட்டணியை கர்த்தர் ஜெயிக்கவைத்ததினால் அல்லவா காங்கிரஸ் கூட்டணி தோற்றுப்போனது!

உன்னதமானவர்  மனுஷருடைய ராஜ்யத்தில் ஆளுகைசெய்து, தமக்குச் சித்தமாயிருக்கிறவனுக்கு அதைக் கொடுக்கிறார்
                          தானி.4:25

இந்திய அரசில் ஆளுகைசெய்து, இந்த தேசத்தை மறுபடியும் திரு. மோடி அவர்களிடம் கொடுத்திருக்கிறவர் கர்த்தரே!

👨🏻‍⚖ "நீதியுள்ள தேவன் போயும் போயும் மோடியிடமா இந்த தேசத்தை கொடுப்பார்?" என்று நாம் கேட்கலாம்.

 ஆனால், மோடி அவர்களுக்கு எதிராகப் போட்டியிட்டவர்கள் அனைவரும் புனிதர்கள் அல்லவே!

அவர்களில் பலர்: சுயநலவாதிகளும், குடும்ப அரசியல் கோமான்களும், ஊழல்பேர்வழிகளும், பேராசைக்காரர்களும், ஜாதிவெறிப்பிடித்தவர்களும், இரத்தக்கறைப் படிந்தவர்களும், மக்கள் விரோத ஆட்சிசெய்தவர்களும் ஆவர்!

 இவர்களின் வெற்றிக்காகத்தான் கிறிஸ்தவப் புனிதர்கள் இரவுப்பகலாய் பலமணிநேரம் திறப்பில் நின்று ஜெபித்தோம்!!

👨🏻‍⚖ "திரு. மோடி அவர்களும் மனிதரில் புனிதர் இல்லையே, அவரை எப்படி தேவன்  ஆளுகைக்கு மறுபடியும் கொண்டுவரலாம்?" என்று பலர் கேட்கலாம்?

 மோடியை திரும்ப பிரதமராக கொண்டுவரும்படி தேவனைத் தூண்டினவர்கள் கிறிஸ்தவர்களே!

எப்படி?

கிறிஸ்தவ தலைவர்கள் பலர்,  அரசியல் தலைவர்களை சபையின் தலைவர்களாகவே கிறிஸ்தவர்களுக்கு அடையாளம் காட்டினர்!

திரு. ராகுல்காந்தி அவர்களை சபையின் இரட்சகராகவும், மீட்பராகவும் பாவித்தார்கள்!

பல ஊழியக்காரர்கள், தாங்கள் ஊழியக்காரர்கள் என்கிறதை மறந்து, பல அரசியல் கட்சிகளின் கொள்கைபரப்பு செயலாலர்களைப்போலவே செயல்பட்டார்கள்!

காங்கிரஸ் ஆட்சிவந்தால் சபைகள் பாதுகாக்கப்படும் என்றும், பி.ஜே.பி. திரும்ப ஆட்சிக்கு வந்தால் சபைகள் அழிந்துவிடும் என்றும் கிறிஸ்தவர்களுக்கு அச்சமூட்டி, அவர்களை அற்ப விசுவாசிகளாக்கி, காங்கிரஸ் ஆட்சிவர திறப்பில் நிற்கவைத்து பலமணி நேரங்களையும், பலகோடி ரூபாய் பணத்தையும் விரயமாக்கினார்கள்!

மத்தியில் காங்கிரஸ் ஆட்சியும், மாநிலங்களில் அதன் கூட்டணிக் கட்சிகளின் ஆட்சியும் நடக்கும்போதுக்கூட சபைகளுக்கு உபத்திரவம் உண்டான வரலாறு உண்டு!

சில மாநிலங்களில் காங்கிரஸ் கூட்டணியில் உள்ள கட்சியினர் பலர் சபைகளுக்கு தொந்தரவு கொடுத்துத்துள்ளனர்!

"நாங்கள் ஆட்சிக்கு வந்தால் திருச்சபைகளுக்கு ஒரு சிறு தொந்தரவுக்கூட வராமல் பார்த்துக்கொள்வோம்" என்று இவர்களில் எவரும் உத்தரவாதமும் தரவில்லை.

அப்படியே உத்தரவாதம் தந்தாலும், தேவன் அனுமதிக்கும் உபத்திரவங்களில் இருந்து இவர்களால் அவரது சபையை பாதுகாக்கவும் முடியாது!

உலகத்தை ஜெயித்த இயேசுகிறிஸ்துவை  அல்லாமல், உலகத்தில் சபைக்கு உண்டாகும்  உபத்திரவத்திலிருந்து, அதை உலகத்தலைவர்கள் எவரும் காக்கமுடியாது!
(யோவான் 16:33)

இப்படியிருக்க

சபையின் மெய்யானத் தலைவர் இயேசுகிறிஸ்து ஒருவரே! (எபேசி.1:20-23),  சபையின் பாதுகாப்பு அவருடைய கரத்தில்தான் இருக்கிறது! (மத்.10:29-31, அப்.18:10) என்கிற சத்தியத்தை மறுதலித்து, கிறிஸ்தவர்கள் அதை மறந்துப்போகும்படி செய்துவிட்டார்கள் மகா புனிதர்களான நமது ஆவிக்குரிய தலைவர்கள்!

👨🏻‍⚖ இதற்காகத்தான் கர்த்தர் காங்கிரஸ் கூட்டனியை கவிழ்த்துப்போட்டு காங்கிரஸ் ஆட்சிக்காய் ஜெபித்தவர்கள் முகங்களில் கரியைப்பூசினாரா?

என் மகிமையை நான் வேறொருவருக்குங்கொடேன்.
                     ஏசாயா 48:11

என்கிறார் கர்த்தர்.

நம்முடைய ஆவிக்குரியத் தலைவர்களோ, தேவனுக்குரிய மகிமையை அரசியல் வாதிகள் பக்கம் திருப்பினார்கள்!

😊 பாவத்தோடே பாவத்தைக் கூட்டும்படி, என்னை அல்லாமல் ஆலோசனைபண்ணி, என் ஆவியை அல்லாமல் தங்களை மூடிக்கொள்ளப் பார்க்கிறவர்களும்,
                       ஏசாயா 30:1
என் வாக்கைக் கேளாமல் பார்வோனின் பெலத்தினாலே பெலக்கவும், எகிப்தின் நிழலிலே ஒதுங்கவும் வேண்டும் என்று எகிப்துக்குப் போகிறவர்களுமாகிய முரட்டாட்டமுள்ள புத்திரருக்கு ஐயோ! என்று கர்த்தர் சொல்லுகிறார்.
                       ஏசாயா 30:2
பார்வோனுடைய பெலன் உங்களுக்கு வெட்கமாகவும் எகிப்தினுடைய நிழலொதுக்கு உங்களுக்கு இலச்சையாகவும் இருக்கும்.
                       ஏசாயா 30:3

என்று தேவன் தமது ஜனங்களை கடிந்துகொள்ளுகிறதை கவனிக்கவும்.

பாவத்தோடே பாவத்தைக் கூட்டும்படி,
நம்முடைய ஆவிக்குரியத் தலைவர்களோ, தேவனை அல்லாமல் மனுஷரோடே ஆலோசனைபண்ணி, அவருடைய  ஆவியை அல்லாமல்  அரசியல் அதிகாரத்தைக்கொண்டு நம்மை மூடிக்கொள்ள நமக்கு கற்பித்தார்கள்!

தேவனுடைய வார்த்தையில் நம்பிக்கை வைக்காமல், காங்கிரஸ் கூட்டணி ஆட்சியின் பெலத்தினாலே சபைகள் பெலக்கவும், தேவனுடைய நிழலைவிட்டு காங்கிரஸ் கூட்டணியின் நிழலிலே ஒதுங்கவும் நம்மை வழிநடத்தினார்கள்!

எனவேதான் காங்கிரஸ் கூட்டணியின் பெலன் நமக்கு வெட்கமாகவும் அதன் நிழலொதுக்கு நமக்கு இலச்சையாகவும் மாறும்படியும் கர்த்தர் செய்தார்!

😊 எகிப்தியர் சகாயம்பண்ணுவது வியர்த்தமும் வீணுமாம், ஆகையால், சும்மாயிருப்பதே அவர்களுக்குப்பெலன் என்று அதற்காகக் கூறுகிறேன்.
                       ஏசாயா 30:7

என்கிற புறஜாதியான் ராப்சாக்கேயின் அறிவுரையை கிறிஸ்தவர்கள் கவனிக்கவேண்டும்.

கிறிஸ்தவ சபைகள் அரசியல்வாதிகளை நம்புவதைவிட சும்மாயிருப்பதே அவைகளுக்கு நல்லது!

😊 சகாயமடையும்படி இஸ்ரவேலுடைய பரிசுத்தரை நோக்காமலும், கர்த்தரைத் தேடாமலும், எகிப்துக்குப்போய், குதிரைகள்மேல் நம்பிக்கைவைத்து, இரதங்கள் அநேகமாயிருப்பதினால் அவைகளை நாடி, குதிரைவீரர் மகா பெலசாலிகளாயிருப்பதினால் அவர்களை நம்பிக்கொண்டிருக்கிறவர்களுக்கு ஐயோ!
                       ஏசாயா 31:1

தங்கள் சகாயத்திற்காய் கர்த்தரைத் நோக்காமல், தேடாமல், அரசியல்வாதிகளைத் நோக்குகிற, தேடுகிற சபைகளுக்கு ஐயோ!

😊 எகிப்தியர் தெய்வம் அல்ல, மனுஷர்தானே, அவர்களுடைய குதிரைகள் ஆவியல்ல, மாம்சந்தானே, கர்த்தர் தமது கரத்தை நீட்டுவார், அப்பொழுது சகாயம் செய்கிறவனும் இடறி, சகாயம் பெறுகிறவனும் விழுந்து, அனைவரும் ஏகமாய் அழிந்து போவார்கள்.
                       ஏசாயா 31:3

காங்கிரஸ் தெய்வமல்ல! கர்த்தரே தெய்வம்!

கிறிஸ்தவர் சகாயம்பெற விரும்பின கட்சிகளுக்கும், அக்கட்சிகளை நம்பியிருக்கிற சபைகளுக்கும் எதிராக கர்த்தரே தமது கரத்தை நீட்டி அவர்களை விழுந்துப்போகப் பண்ணியிருக்கிறர்!

😊 இதோ, நெரிந்த நாணல்கோலாகிய அந்த எகிப்தை நம்புகிறாய், அதின்மேல் ஒருவன் சாய்ந்தால், அது அவன் உள்ளங்கையில் பட்டுருவிப்போம், எகிப்தின் ராஜாவாகிய பார்வோன் தன்னை நம்புகிற யாவருக்கும் அப்படியே இருப்பான்.
                       ஏசாயா 36:6

என்று ஒரு புறஜாதியான் தங்களுக்கு அறிவுரை சொல்லுமளவுக்கு தேவஜனங்கள் மழுங்கியிருந்தது எத்தனை வேதனையானது!

கிறிஸ்தவர்கள் காங்கிரஸ் கூட்டணியின்மேல் அதீத நம்பிக்கைவைத்து, தங்கள் பாதுகாப்புக்காக காங்கிரஸ் கூட்டணி ஆட்சிதான் வரவேண்டும் என்று ஜெபிக்காமல், "தேவனே, உமக்குச் சித்தமான யாரையாகிலும் ஆளுகைக்குக் கொண்டுவாரும்" என்று ஜெபித்திருந்தால், கர்த்தர் காங்கிரஸை ஆட்சிக்கு கொட்டுவந்திருக்க அதிக சாத்தியம் உண்டு!

இப்படி, காங்கிரஸ் கூட்டணிக் கட்சிகளில் அதீத நம்பிக்கைவைத்து, அவர்களை கவிழ்த்துவிட்ட கிறிஸ்தவர்கள், கிறிஸ்தவத் தலைவர்கள் மனந்திரும்பி, தங்கள் பாதுகாப்புக்காக கர்த்தரில் நம்பிக்கைவைக்கத் தங்களை ஒப்புக்கொடுத்தால், வருங்காலங்களில் அக்கட்சிகளுக்கு தேவன் சகாயம்பண்ண வாய்ப்பிருகமகிறது!!

தேவனுடைய ஊழியன்....

க. காட்சன் வின்சென்ட்.
         9488069317