*மேலே ஏறும் ஏணியின் முதல் படியே கீழ்படி*
by : Eddy Joel Silsbee
நேற்றும் இன்றும் என்றும் மாறாத நம் ஆண்டவர் இயேசு கிறிஸ்துவின் நாமத்தில் வாழ்த்துக்கள்.
கிறிஸ்துவை நோக்கி மனம் மாறியதும்,
யோவானிடம் அரசாங்க ஊழியர்களான ராணுவ போர் சேவகர்கள் கேட்ட கேள்வி *இனி நாங்கள் எப்படி நடக்க வேண்டுமென்று*? லூக். 3:14
ஒழுக்கத்திற்கும், கடமையை செய்வதற்கும் ஆணித்தரமாக பயிற்றுவிக்கப்பட்ட ராணுவ வீரர்களே கிறிஸ்துவின் அருகில் வரும்போது *“இன்னும் தாங்கள் சீர் செய்யப்படவேண்டியுள்ளது”* என்று உணர்த்தப்பட்டனர்.
நீங்கள் ஒருவருக்கும் இடுக்கண் செய்யாமலும் பொய்யாய்க் குற்றஞ்சாட்டாமலும், உங்கள் சம்பளமே போதுமென்றும் இருங்கள் என்று யோவான் ஸ்நானன் ஆலோசனை கூறினார். லூக். 3:14
மனம்திரும்புதலுக்காக அவர்கள் பெற்றுக் கொண்டதைக் காட்டிலும்,
*பாவ மன்னிப்பிற்காக* நாம் ஞானஸ்நானம் பெற்றுக்கொண்ட சூழ்நிலையில், *நம்மில் எப்படிபட்ட மாற்றங்கள் வந்திருக்கிறது*?
வசனத்தைச் சொன்னால் :
- சலிப்பு வருகிறது,
- பாரம்பரியம் முன்னுரிமை எடுக்கிறது,
- செய்வது தவறு என்றறிந்தாலும், பல காரணங்களை கூறி தவிர்ப்பது,
- வேதத்தில் சொல்லப்படாததை ஆராதனையில் புகுத்துவது,
- வேதத்தில் சொல்லப்படாத ஆண்கள் பெண்கள் என்று தனித்தனியே பிரித்து ஆலோசனைக்கூட்டம் என்ற பெயரில் குடும்பத்திற்குள் சமாதான குலைச்சலுக்கு வித்திட்டது போன்ற பல களைகளை, கூடவே வைத்துக்கொண்டு, *“சமாதானத்தைத் தாரும், தாரும்”* என்று ஊர் உலகத்திற்காக ஏறெடுக்கும் கதறலை களைந்து, உண்மையாக வசனத்திற்கு கீழ்படிந்து தேவனுக்கு முன்பாக தாழ்மைப்படும்போது, நிச்சயம் நமக்கு இரங்குவார்.
*முதலாவது வசனத்திற்கு கீழ்படிய வேண்டும்*.
நமக்கு கட்டளை கொடுத்தது :
- பரலோக தேவன்,
- சகல வல்லமையுள்ள கடவுள்,
- உன்னதமானவர்,
- இராஜாதி ராஜா,
- கர்த்தர்
என்று சொல்லி முடியாத மாட்சிமை உள்ளவர்.
அவர் வாக்குக்கு நாம் செவி கொடுக்கத் தாமதிக்கவேண்டாம்.
தேவன் நமக்கு கீழ்படிதலின் இருதயத்தை தருவாராக.
*எடி ஜோயல் சில்ஸ்பி*
ஊழியர் - கணியாகுளம் கிறிஸ்துவின் சபை,
கிறிஸ்தவ திருமணப் பதிவாளர்,
ஆசிரியர் - கணியாகுளம் வேதாகம பள்ளி,
தொடர்பு : +91 81 44 77 6229
இப்பதிவின் YouTube லிங்க்:
https://youtu.be/3WQHHvPWUCM
*Q&A Biblical Whatsappல் இணைய (locked group)* :
https://chat.whatsapp.com/JPiQF3ZnKZK70lUgamZ0dL
எங்களது வலைதளம் : www.kaniyakulamcoc.wordpress.com
கருத்துகள் இல்லை:
கருத்துரையிடுக