*தினசரி சிந்தனைக்கான வேத துளி*
by : Eddy Joel Silsbee
சமாதான கர்த்தரின் நாமத்தில் வாழ்த்துக்கள்.
* அழகிய சொந்த தோட்டம் இருந்தது.
* தன் சரீரத்திலிருந்த எலும்பின் மூலம் உருவாக்கப்பட்ட, பரம பிதாவின் கையினாலேயே நேரடியாய் கொண்டு வந்து விடப்பட்ட மனைவி.
* சுமாராக உழைத்தாலே அள்ளி விளைந்த பழங்கள், காய் கறிகள் இருந்தது.
* எதை விதைத்தாலும் அதற்கு ஏற்ப ஆரோக்கியமாய் விளைச்சலை தந்த மண் இருந்தது.
* எல்லா மிருகமும் கூட நட்போடு பழகின சூழ்நிலை இருந்தது.
* கடவுளோடு நேர்முகமாய் நண்பனை போல பேசும் வாய்ப்பு இருந்தது.
* சுகமான வேதனையில்லாத வாழ்வு இருந்தது.
* அடுத்த நாள் என்ன செய்ய வேண்டும் என்கிற கவலை இல்லாமல் இருந்தது.
** இருந்தவைகளை விட்டு “*இல்லாததை தேடினதால்... உள்ளவையும் பறி போனது** ஆதாமுக்கும் ஏவாளுக்கும் !!
நம்மில் பலரும், கொடுக்கப்பட்டதை விட்டு, மறந்து, இல்லாததை கற்பனையில் வளர்த்திக்கொண்டு ஏமாந்து, நொந்து, கோபப்பட்டு, வெறுப்படைவதால் *இருப்பதையும் இழந்து விடுகிறோம்* !!
ஏதேன் தோட்டத்தில் இருந்து வெளியே சென்றபின் ஆதாம் எவ்வளவு வருத்தப்பட்டு இருப்பார்.. ? நம் வாழ்கையில் இது முதன்மையான பாடம் என்று நமக்கு தோன்றுவதில்லையோ !! (ஆதி. 2,3)
எப்படிப்பட்ட வாழ்க்கையில் நாம் தற்போது இருந்தாலும் அது தேவன் நமக்கு அனுமதித்த ஏதேன் தோட்டம்.
சந்தேக *கேள்வியை எழுப்பின போது தேவ வார்த்தையின் படி சிந்திக்காமல் சொந்த புத்தியில் அதீதமாக சிந்தித்தததால் பிசாசின் வளையில் சிக்கி,* தடுக்கப்பட்டதை புசித்து *சொந்தக் குடும்பத்தை மாத்திரமல்ல முழு வம்சத்தையும் சாபத்திற்குள்ளாக்கின சம்பவம் இன்னும் உணராமல் இருந்தால் தேவனால் கொடுக்கப்பட்ட ஏதேன் கேரூபீன்களால் அடைக்கப்பட்டுப்போம்.
வைராக்கியம், கோபம் எல்லாவற்றையும் விட்டு தேவனுக்கு முன்பதாக சொந்த கைகளை இருகக்கட்டி தாழ்த்தி விழுந்து பணிந்து தேவனிடத்தில் சாஷ்டாங்கமாய் நாம் ஒப்புரவானால் நிச்சயம் மீட்டு ஆசீர்வதிப்பார்.
தேவனுக்கு முன்னாக தாழ்மைப்படுபவர்கள் முழங்காலில் நின்றார்கள், மார்பில் அடித்துக்கொண்டார்கள், சாஷ்டாங்கமாக தரையோடு வயிறு ஒட்ட விழுந்தார்கள், பேச்சு மூச்சு இல்லாமல் தொன்டை விக்கி மொளனமாக அழுதார்கள்.
தன்னை முற்றுலுமாய் தாழ்த்தினவர் சிலுவையில் மரித்தார். பிதாவானவர் அவரை உயிரோடு எழுப்பி தன் வலது பாரிசத்தில் உட்கார வைத்துக்கொண்டார் (பிலி. 2:8-9)
சுவாசம் இருந்தால் மனந்திரும்ப இன்றும் வாய்ப்பு உள்ளது.
*எடி ஜோயல் சில்ஸ்பி*
கர்த்தருடைய ஊழியன்,
கிறிஸ்துவின் சபை, கணியாகுளம்
ஆசிரியர் - உலக வேதாகம பள்ளி,
+91 8144 77 6229
*கேள்வியும் வேதாகம பதில்களும் Whatsapp (Locked) குழுவில் இணைய :
https://chat.whatsapp.com/EKPqmK9OPZuH4m7AihX443
*Q&A Biblical Book ஆர்டர் செய்ய* :
https://joelsilsbee.wordpress.com/2021/02/23/qa-book/
கருத்துகள் இல்லை:
கருத்துரையிடுக