தினசரி சிந்தனைக்கான வேத துளி
by : Eddy Joel Silsbee
எந்த சூழ்நிலையிலும் நம்மை வழிநடத்தும் கர்த்தராகிய இயேசு கிறிஸ்துவின் நாமத்தில் வாழ்த்துக்கள்.
கண்களை மூடிக்கொண்டு, "ஸ்தோத்திரம் ஸ்தோத்திரம் ஸ்தோத்திரம்" என்று சொல்லிக்கொண்டே பிரசங்க மேடையில் வந்து “*எனக்கு ஆவியானவர், சொல்ல சொன்னதை சொல்கிறேன் என்று*” தான் சொல்ல விரும்பியதை அவிழ்த்து விட்டு போகும் மேடை பேச்சாளர்களால், சபைகள் அல்ல சுய சங்கங்கள் உருவாகிறது...
கர்த்தராகிய இயேசு கிறிஸ்து சொன்ன நோக்கத்தை தங்களுக்கு சாதகமாக்க கூடாது !!
வசனத்தை நன்கு கவனியுங்கள்...
”லூக்கா 12:11-12 அன்றியும், ஜெப ஆலயத்தலைவர்களுக்கும் துரைத்தனத்தார்களுக்கும் அதிகாரமுள்ளவர்களுக்கும் முன்பாக உங்களைக் கொண்டுபோய் விடும்போது: எப்படி, என்னத்தை மாறுத்தரமாகச் சொல்லுவோம் என்றும், எதைப் பேசுவோம் என்றும் கவலைப்படாதிருங்கள். நீங்கள் பேசவேண்டியவைகளைப் பரிசுத்த ஆவியானவர் அந்நேரத்திலே உங்களுக்குப் போதிப்பார் என்றார்”
இயேசு கிறிஸ்து, அப்போஸ்தலருக்கு சொல்லிக்கொடுத்ததை, அனைவரும் படித்து அறிந்து பின்பற்றும்படியாக எழுதிவைக்கும்படியாக அவர்களுக்கு (அப்போஸ்தலருக்கு) நினைப்பூட்டுவார் என்று யோவான் 14:26ல் காண்கிறோம்.
நீங்களும் நானும், சபையினருக்கு முன்பதாக போகும்போது, கர்த்தருடைய வசனத்தை பிரசங்கிப்பதற்கு நம்மை நன்கு தயார் படுத்திகொள்ளும்படி, சத்தியத்தை சத்தியமாய் போதிக்கும்படியாக, ஜெபித்து, வேதம் வாசித்து, குறிப்புகளை எடுத்து நன்கு தயார் படுத்திக்கொள்ளவேண்டியது அவசியம். ”வாசிக்கிறதிலும் (1) புத்திசொல்லுகிறதிலும் (2) உபதேசிக்கிறதிலும் (3) ஜாக்கிரதையாயிரு. – 1 தீமோ4:13, எபே 3:3-5
வாசிக்கவேண்டும் பின்னரே புத்திசொல்ல துவங்கவேண்டும் !!
ஊர் உலகம் சுற்றின கதையோ,
தன் ஜெபித்ததால் நடந்தது என்ற விளம்பரமோ,
சொந்த கற்பனை கதைகளையோ,
சுய அநுபவத்தையோ அல்ல - ”வேதத்தையே” விவரிக்க வேண்டும் – மல்கியா 2:7
சாமுவேல் பிறந்தபோது உள்ள சூழ்நிலையை இக்கால பிரசங்க மேடைகள் உருவாக்கியிருக்கிறார்கள் என்று தோன்றுகிறது ! 1சாமு3:1
சத்தியத்தை முறையாக போதிக்க வேண்டுமெனில்;
சத்தியத்தை முதலாவது படிக்க வேண்டும். அல்லேலூயா ஸ்தோத்திரம் ப்ரைஸ் த ”லா” என்று அசைப்போட்டுக் கொண்டேயிருப்பது … வேஷமாகிவிடும் !
இன்று கர்த்தருடைய நாள். பிதாவாகிய தேவனை தொழுதுக்கொண்டு, கர்த்தருடைய மரணத்தை நினைவுக்கூறுங்கள் !!
Eddy Joel Silsbee,
Preacher – The Churches of Christ
Teacher – World Bible School
+91 8144 77 6229 / joelsilsbee@gmail.com
* நீங்களும் கேள்வி & வேதாகம பதில் Whatsapp (Locked) இணைய : புதிய குழு - https://chat.whatsapp.com/FgzVvru1hol7mjPlXLY1Mr
** வீடியோ செய்திகளுக்கு YouTube Channel Subscribe பண்ணவும் : https://www.youtube.com/joelsilsbee
கருத்துகள் இல்லை:
கருத்துரையிடுக